ەنەرگەتيكا ءمينيسترى ماعزۇم مىرزاعاليەۆ پەن «سامۇرىق-قازىنا» ۇاق» اق باسقارما توراعاسى الماسادام ساتقاليەۆ قر جاڭارتىلاتىن ەنەرگەتيكا سالاسىنداعى ينۆەستيتسيالىق جوبالاردىڭ مارتەبەسى تۋرالى باياندادى.
ماسەلەن, 2014 جىلدان باستاپ 780 ملرد تەڭگە, ونىڭ ىشىندە 150 ملرد تەڭگە وسى جىلدىڭ 9 ايىندا تارتىلدى. 1975 مۆت كولەمىندە ەنەرگيا گەنەراتسياسىنىڭ جيىنتىق قۋاتى بار 126 جەك نىسانى پايدالانۋعا بەرىلدى, 2 مىڭنان استام تۇراقتى جۇمىس ورنى قۇرىلدى.
جەك-تەن الىناتىن ەلەكتر ەنەرگياسىنىڭ 41%-ى كۇن ەلەكتر ستانتسيالارىندا, 35%-ى جەل ەلەكتر ستانتسيالارىندا, 23,8%-ى شاعىن سۋ ەلەكتر ستانتسيالارىندا وندىرىلەدى.
2030 جىلعا قاراي ەلەكتر ەنەرگياسىن گەنەراتسيالاۋ قۇرىلىمىنداعى جەك ۇلەسىن قولدا بار 3%-دان 15%-عا دەيىن ارتتىرۋ جوسپارلانىپ وتىر. بۇل كورسەتكىشكە قول جەتكىزۋ ءۇشىن جەك-ءتىڭ 7 گۆت جاڭا قۋاتتارىن ىسكە قوسۋ قاجەت, بۇل سالاعا 3 ترلن تەڭگە كولەمىندە ينۆەستيتسيا تارتۋعا مۇمكىندىك بەرەدى.
قازىرگى تاڭدا قازاقستان ۇكىمەتى «ADQ» اراب كومپانياسىمەن جانە «تotal Energies» فرانتسۋز كومپانياسىمەن ۋاعدالاستىققا قول جەتكىزدى. ءىرى اۋقىمدى جوبالار الداعى 10 جىلدا 5 گۆت جاڭا جەك قۋاتىن كەزەڭ-كەزەڭىمەن ەنگىزۋدى كوزدەيدى. بىرلەسكەن ينۆەستيتسيالىق جوبالاردى ىسكە اسىرۋ اتموسفەراعا پارنيكتىك گازدار شىعارىندىلارىنىڭ كولەمىن 8 ملن تونناعا ازايتۋعا, قوسىمشا 20 ملرد كۆتس جاسىل ەنەرگيا وندىرۋگە جانە 3 مىڭ جۇمىس ورنىن قۇرۋعا مۇمكىندىك بەرەدى.
ينۆەستورلار ءۇشىن قولايلى جاعداي تۋدىرۋ ماقساتىندا قارجى-ەسەپ ايىرىسۋ ورتالىعىنىڭ بازاسىندا ء«بىر تەرەزە» قاعيداتىن ەنگىزۋ, جەك پايدالاناتىن ەنەرگيا ءوندىرۋشى ۇيىم مەن تۇتىنۋشىلار اراسىندا ەكىجاقتى كەلىسىمشارتتار جاساسۋ ماسەلەسىن رەتتەۋ, سونداي-اق ينۆەستورلاردىڭ مۇددەسىن قورعاۋ ماقساتىندا تورەلىك كەلىسىمدى رەسىمدەۋ ءراسىمىن وڭايلاتۋ ۇسىنىلادى.
دەنساۋلىق ساقتاۋ ءمينيسترى الەكسەي تسوي دەنساۋلىق ساقتاۋ ينفراقۇرىلىمىن دامىتۋ بويىنشا ينۆەستيتسيالىق جوبالار تۋرالى باياندادى. ءتورت جىل ىشىندە قازاقستاندا 20 كوپسالالى اۋرۋحانا مەن 2 عىلىمي-يننوۆاتسيالىق كوپسالالى كلينيكا سالۋ جوسپارلانعان.
ينۆەستور كومپانيالاردىڭ, وڭىرلەر اكىمدىكتەرىنىڭ جانە ورتالىق مەملەكەتتىك ورگانداردىڭ وكىلدەرى تۇركىستان, پەتروپاۆل, نۇر-سۇلتان, قوستاناي, اقتاۋ, اقتوبە, اتىراۋ, قاراعاندى, كوكشەتاۋ, پاۆلودار, تاراز, الماتى جانە ت. ب. قالالاردا گوسپيتالدار سالۋ جوبالارىنىڭ ىسكە اسىرىلۋ بارىسى تۋرالى باياندادى.
ۇكىمەت باسشىسى جاڭارتىلاتىن ەنەرگەتيكا جانە دەنساۋلىق ساقتاۋ سالاسىندا جوسپارلانعان جوبالاردى ۋاقىتىلى جانە ساپالى ىسكە اسىرۋدى قامتاماسىز ەتۋدى تاپسىردى.
بارلىق مەملەكەتتىك ورگاندارعا, وڭىرلەردىڭ اكىمدىكتەرىنە جانە كۆازيمەملەكەتتىك سەكتور سۋبەكتىلەرىنە ىشكى جانە سىرتقى ينۆەستيتسيالاردى تارتۋ جۇمىسىن جۇيەلى نەگىزدە جالعاستىرۋ تۋرالى تاپسىرما بەرىلدى.
