عالامتور مەن اۆتوماتتاندىرىلعان جۇيەلەردى پايدالانىپ, جەكە دەرەكتەردىڭ قورعالۋىنا نۇقسان كەلگەنى حابارلاندى.
«بىرلەسكەن ءىس-قيمىل ناتيجەسىندە 200 ميلليونعا جۋىق ادامنىڭ, سونىڭ ىشىندە قازاقستان, مولدوۆا, بەلورۋسسيا, ۋكراينا جانە تمد ازاماتتارىنىڭ جەكە دەرەكتەرى زاڭسىز تاراتىلعان ءىرى ۆەب-رەسۋرستاردىڭ ءبىرىنىڭ قىزمەتى توقتاتىلدى», دەلىنگەن حابارلامادا.
بۇعاتتالعان سايتتا ازاماتتاردىڭ تەلەفون نومىرلەرى, اتى-ءجونى, تىركەلگەن جەرلەرى, ال كەيبىر جاعدايلاردا كولىك قۇرالدارىن پايدالانۋعا بايلانىستى كورسەتىلگەن اكىمشىلىك قىزمەتتەر تۋرالى اقپارات بولعان.
بۇل دەرەك بويىنشا ۋكراينا قىلمىستىق كودەكسىنىڭ 182-بابى («جەكە ومىرگە قول سۇعۋشىلىق») بويىنشا قىلمىستىق ءىس قوزعالدى. سوتقا دەيىنگى تەرگەۋ جالعاسىپ جاتىر.
