شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 5 قاراشا كۇنى وسكەمەندەگى كاسىپورىنداردىڭ بىرىندە ەكى جۇمىسشى كوز جۇمعان.
«قالالىق پوليتسيا باسقارماسى ەرتىس پوليتسيا ءبولىمى ابايسىزدا ەكى ادامنىڭ ولىمىنە اكەپ سوقتىرعان ەڭبەكتى قورعاۋ ەرەجەلەرىن بۇزۋ فاكتىسى بويىنشا سوتقا دەيىنگى تەرگەۋ امالدارىن باستادى. قازىرگى ۋاقىتتا ءتيىستى سوت-مەديتسينالىق ساراپتامالار تاعايىندالعان. قىلمىستىق ءىس جۇرگىزۋ كودەكسىنىڭ 201-بابى 1-بولىگىنە سايكەس سوتقا دەيىنگى تەرگەپ-تەكسەرۋدىڭ وزگە دەرەكتەرى جاريا ەتىلمەيدى», دەپ حابارلادى ۆەدومستۆو وكىلدەرى.
مارقۇم بولعان ەر ادامدار - 28 جانە 20 جاستا. ولاردىڭ نەدەن مەرت بولعانى انىقتالىپ جاتىر.
