ەلباسى كىتاپحاناسىنىڭ باسشىسى باقىتجان تەمىربولات كەزدەسۋ بارىسىندا تۇركسوي-دىڭ تۇركى حالىقتارى اراسىنداعى باۋىرلاستىق پەن دوستىقتى نىعايتۋعا باعىتتالعان اۋقىمدى قىزمەتى اياسىندا بىرلەسكەن ىنتىماقتاستىقتىڭ كەڭ اۋقىمدى پەرسپەكتيۆالارىنا جول اشاتىندىعىن اتاپ ءوتتى.
ەسكە سالا كەتەيىك, وسى جىلدىڭ 17 ناۋرىزىندا ەلباسى كىتاپحاناسى مەن تۇركسوي (تۇركى مادەنيەتىنىڭ حالىقارالىق ۇيىمى) اراسىندا ىنتىماقتاستىق تۋرالى مەموراندۋمعا قول قويىلعان بولاتىن. قۇجاتتىڭ ماقساتى – تۇركى مادەنيەتىنىڭ قالىپتاسۋ مەن دامۋ تاريحىن زەردەلەۋ بويىنشا بىرلەسكەن مادەني-ءبىلىم بەرۋ جانە عىلىمي-زەرتتەۋ جوبالارىن ىسكە اسىرۋ. تاراپتار عىلىمي, ءبىلىم بەرۋ, شىعارماشىلىق جوبالار مەن باعدارلامالار, كورمەلەر, فورۋمدار, كونفەرەنتسيالار جانە باسقا دا قوعامدىق ماڭىزى بار ءىس-شارالار وتكىزۋدى جوسپارلايدى.
سونداي-اق ەلباسى كىتاپحاناسىنىڭ وكىلدەرى انكارا قالاسىنداعى اتاتۇرىك مەموريالىنا باردى.
قازاقستان رەسپۋبليكاسى تاۋەلسىزدىگىنىڭ 30 جىلدىعىنا جانە قازاقستان مەن تۇركيا اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا ارنالعان ءىس-شارالار اياسىندا ەلباسى كىتاپحاناسى ەلباسى اكادەمياسىمەن بىرلەسىپ, قازاقستان رەسپۋبليكاسىنىڭ تۇركيا رەسپۋبليكاسىنداعى ەلشىلىگىنىڭ جانە تۇركيا رەسپۋبليكاسى پرەزيدەنتى اكىمشىلىگىنىڭ قولداۋىمەن انكارا قالاسىنداعى تۇركيا پرەزيدەنتى اكىمشىلىگى جانىنداعى ۇلتتىق كىتاپحانادا «قازاقستان جولى. تۇركى بىرلىگى» كورمەسىن اشتى.
وسى كۇنى قازاقستان مەن تۇركيانىڭ كورنەكتى ساياسي جانە قوعام قايراتكەرلەرىنىڭ قاتىسۋىمەن «تۇركى الەمى: تاريح, قازىرگى زامان, بولاشاق» حالىقارالىق كونفەرەنتسياسى ءوتتى. ءىس-شارا اياسىندا ەلباسى كىتاپحاناسى تۇركيا پرەزيدەنتى اكىمشىلىگى جانىنداعى ۇلتتىق كىتاپحانامەن جانە تۇركىتىلدەس مەملەكەتتەردىڭ ىنتىماقتاستىق كەڭەسىمەن مەموراندۋمدارعا قول قويىلدى.
