جەدەل شتاب قۇرىلدى, وعان كومپانيا مەن مەملەكەتتىك ورگانداردىڭ وكىلدەرى كىردى. وبلىس جانە كومپانيا باسشىلىعى قازا تاپقان كەنشىلەردىڭ وتباسىلارىنا بارادى.
قازاقستان پرەمەر-ءمينيسترى اسقار ءماميننىڭ تاپسىرماسى بويىنشا توتەنشە جاعدايلار ءمينيسترى يۋري ءيليننىڭ باسشىلىعىمەن وقيعانىڭ ءمان-جايى مەن سەبەپتەرىن انىقتايتىن مەملەكەتتىك كوميسسيا قۇرىلدى.
«اباي اۋدانى اۋماعىنداعى شاحتادا بولعان اپات فاكتىسىنە بايلانىستى قازاقستان رەسپۋبليكاسى كىلمىستىق كودەكسىنىڭ 277-بابى 3-بولىگىنە سايكەس سوتقا دەيىنگى تەرگەۋ باستالدى. قازىرگى ۋاقىتتا وقيعا ورنىندا جەدەل-تەرگەۋ توبى جۇمىس ىستەپ جاتىر. قاراعاندى وبلىسى پوليتسيا دەپارتامەنتىنىڭ باسشىلىعى مەن جەكە قۇرامى قازا بولعان كەنشىلەردىڭ جاقىندارى مەن تۋىستارىنىڭ قايعىسىنا ورتاقتاسىپ كوڭىل ايتادى», دەدى قاراعاندى وبلىسىنىڭ پد ءباسپاسوز قىزمەتىنەن.
اپاتقا بايلانىستى قاراعاندى وبلىستىق تجد-دا جەدەل تەلەفون نومىرلەرى جۇمىس ىستەي باستادى: 8 (7212) 51-11-10, جەدەل جەلى - 8 (7212) 51-72-23.
«اباي» شاحتاسىندا قازا تاپقان كەنشىلەردىڭ ءتىزىمى:
شميدت ۆيتالي ۆلاديسلاۆوۆيچ, 1979 ج.ت.;
سكيتچەنكو نيكولاي نيكولاەۆيچ 1968 ج. ت.;
ابدۋللين نايل راميلەۆيچ, 1990 ج.ت.;
سۋپرۋنوۆ الەكسەي الەكسەەۆيچ, 1987 ج. ت.;
كراۋس سەرگەي يۋرەۆيچ, 1983 ج. ت.;
كورنيەنكو سەرگەي اناتولەۆيچ, 1971 ج.ت.
«اباي» شاحتاسىندا زارداپ شەككەن كەنشىلەر:
مارالباەۆ جەڭىس مەرەكە ۇلى, 1963 ج.ت.;
زەينالوۆ ەلايدىن اۆەز-وگلى, 1960 ج.ت.
