«جەر قويناۋى جانە جەر قويناۋىن پايدالانۋ تۋرالى» كودەكسىنە وزىق حالىقارالىق تاجىريبەنى ەسكەرە وتىرىپ, جەر قويناۋىن پايدالانۋدى قۇقىقتىق رەتتەۋدىڭ جاڭا ادىستەرى مەن تەتىكتەرى ەنگىزىلدى», دەپ جازدى اسقار مامين دەپۋتاتتىق ساۋالعا بەرگەن جاۋابىندا.
اتاپ ايتقاندا, كودەكستە مىناداي تۇجىرىمدامالىق وزگەرىستەر ەنگىزىلدى: - اۋستراليالىق مودەلدىڭ ۇلگىسى بويىنشا ء«بىرىنشى كەلگەن – ءبىرىنشى بولىپ الادى» قاعيداتىنا نەگىزدەلگەن ليتسەنزيالىق ءتارتىپ ەنگىزۋ, - پايدالى قازبالاردىڭ تۇرلەرىن جانە جىكتەلىمىن بەلگىلەۋ; - قوردى باعالاۋدىڭ حالىقارالىق تارتىبىنە كوشۋ; - گەولوگيالىق اقپاراتقا اشىق قول جەتكىزۋدى ۇسىنۋ, - ەكولوگيالىق قاۋىپسىزدىكتى قامتاماسىز ەتۋ ءۇشىن جەر قويناۋىن پايدالانۋ سالدارىن جويۋ جونىندەگى ەرەجەلەردى كۇشەيتۋ. «زاڭناماداعى اتالعان جاڭالىقتار مەملەكەتتىڭ جەر قويناۋىن پايدالانۋ سالاسىن «نۇسقامالىق باقىلاۋدان» باس تارتۋعا جانە جەر قويناۋىن پايدالانۋشىلاردىڭ ادالدىعى قاعيداتىنا كوشۋگە مۇمكىندىك بەردى. جەر قويناۋىن پايدالانۋ تۋرالى زاڭناماعا تۇراقتى مونيتورينگ جانە ونىڭ جەكەلەگەن نورمالارىن جەتىلدىرۋ جۇرگىزىلۋدە», دەپ اتاپ ءوتتى پرەمەر-مينيستر.
ونىڭ ايتۋىنشا, بۇگىنگى تاڭدا ۇكىمەت باستاماشى بولعان تۇزەتۋلەر اياسىندا قولدانىستاعى زاڭناماعا مىناداي وزگەرىستەر ەنگىزۋ بويىنشا جۇمىس جۇرگىزىلۋدە: 1) مەملەكەتتىك جەر قويناۋى قورىن باسقارۋ باعدارلاماسىن (متقب) بەكىتۋ ءراسىمىن رەگلامەنتتەۋ, مەرزىمدەرىن وڭتايلاندىرۋ جانە اشىقتىعىن قامتاماسىز ەتۋ;
2) جەر قويناۋىن پايدالانۋدىڭ كاپيتالدى كوپ قاجەت ەتەتىن تەڭىز جوبالارىنا ينۆەستور تارتۋ جانە ىشكى نارىققا مۇناي جەتكىزۋشى ينۆەستورلار مەن مەملەكەت مۇددەلەرىنىڭ اراسىنداعى تەڭگەرىمدى ساقتاۋ ءۇشىن كاسپي جانە ارال تەڭىزدەرىنىڭ قازاقستاندىق سەكتورلارىندا ورنالاسقان جەر قويناۋىن پايدالانۋشىلاردى مۇناي جەتكىزۋ جونىندەگى مىندەتتەمەلەردەن بوساتۋ;
3) ۇلتتىق كومپانيالاردىڭ جەر قوايناۋىن پادالانۋ كودەكسىنىڭ 278-بابى 8-تارماعىندا كوزدەلگەن قاتتى پايدالى قازبالار بويىنشا ءىرى ينۆەستورلاردى تارتۋدى جۇزەگە اسىرۋعا مۇمكىندىك بەرەتىن جەر قويناۋىن پايدالانۋ قۇقىعىن 2026 جىلعى 1 قاڭتارعا دەيىنگى مەرزىمگە ۇزارتۋ;
4) يندۋستريا جانە ينفراقۇرىلىمدىق دامۋ مينيسترلىگىنەن, ۋراندى جانە كەڭ تارالعان پايدالى قازبالاردى ءوندىرۋ جونىندەگى وپەراتسيالاردى قوسپاعاندا, قاتتى پايدالى قازبالاردى بارلاۋ جانە ءوندىرۋ جونىندەگى وپەراتسيالاردىڭ جۇرگىزىلۋىنە مەملەكەتتىك باقىلاۋ جونىندەگى فۋنكتسيالاردى ەكولوگيا, گەولوگيا جانە تابيعي رەسۋرستار مينيسترلىگىنىڭ قاراماعىنا بەرۋ;
5) بيۋدجەت قاراجاتىنىڭ ءتيىمسىز جۇمسالۋىن بولعىزباۋ ءۇشىن بيۋدجەت قاراجاتى ەسەبىنەن گەولوگيالىق بارلاۋ جۇزەگە اسىرىلاتىن وبەكتىلەردىڭ جوبالاۋ-سمەتالىق قۇجاتتاماسىنا ەكونوميكالىق ساراپتاما ەنگىزىلەدى. زاڭ جوباسىن پارلامەنتكە 2022 جىلدىڭ قاڭتارىندا ەنگىزۋ جوسپارلانعان.
