اڭگىمە وزەگى – ماڭىزدى باسىمدىقتار

سەنات توراعاسى, ەقىۇ پار­لا­مەنتتىك اسسامبلەياسىنداعى قازاق­ستان پارلامەنتى دەلەگا­تسياسىنىڭ باسشىسى قاسىم-جومارت توقاەۆ فرانتسۋز رەسپۋب­ليكاسى پارلامەنتى ۇلتتىق اسسامبلەياسىنىڭ دەپۋتاتى, ەقىۇ پا-نىڭ ورتالىق ازيا بويىنشا ارناۋلى وكىلى تەرري ءماريانيدى قابىلدادى, دەپ حابارلادى سەناتتىڭ ءباسپاسوز قىزمەتى. ت.مارياني 2010 جىلى قازاق­ستان­نىڭ ەقىۇ-داعى تابىستى توراعالىق ەتكەنىن اتاپ ءوتتى جانە پارلامەنتتىك اسسامبلەيانىڭ ورتالىق ازيامەن جان-جاقتى ىنتىماقتاستىعىن ودان ءارى نىعايتۋعا مۇددەلى ەكەنىن ءبىلدىردى. مەيماننىڭ ءوتىنىشى بويىنشا ق.توقاەۆ ايماقتاعى احۋال, سونداي-اق, قازىرگى زامانداعى قازاقستاننىڭ الەۋمەتتىك-ەكونوميكالىق دامۋى, پارلامەنتتىڭ زاڭ شىعارۋ قىز­مە­تىن­دەگى باسىمدىقتار تۋرالى ايتىپ بەردى. جاھاندىق نارىقتىڭ بولىگى بولىپ تابىلاتىن ەل ۇلتتىق ەكونوميكانى ءارتاراپتاندىرۋ جانە ازاماتتاردىڭ ءومىر ءسۇرۋ ستاندارتتارىن ارتتىرۋداعى ۇزاقمەرزىمدى كەشەندى شارالار قابىل­داپ كەلەدى, دەپ اتاپ ءوتتى ول. مەملەكەت باسشىسى ن.نازارباەۆتىڭ تاياۋ ۋاقىت­تا زەينەتاقىنى, جاردەم­اقىنى, شاكىرت­اقى­نى, سونداي-اق, الەۋ­مەتتىك سالا قىز­مەتكەرلەرىنىڭ ەڭبەك­اقىسىن ۇل­عاي­تۋ, كاسىپكەرلىكتى قولداۋ, ەلدەگى ينۆەستيتسيالىق احۋالدى ودان ءارى جاقسارتۋ جونىندەگى تاپسىرمالارى تۋرالى ايتىپ بەردى توراعا. قازاقستان-فرانتسۋز قاتىناستارىنا قاتىستى سەنات توراعاسى ەكىجاقتى ءارىپ­تەستىكتىڭ ستراتەگيالىق سيپاتىن, سونداي-اق, ەۋروپالىق وداقپەن قاتى­ناستار تۇرعىسىندا جەمىستى ىنتى­ماقتاستىقتى اتاپ ءوتتى.