ارىز بەرۋشىنىڭ ايتۋىنشا, ول وتباسىندا بالا كۇتۋشى بولىپ جۇمىس ىستەيتىن 35 جاستاعى ايەلدەن كۇدىكتەنگەن. كۇدىكتى ايەل ارىزدانۋشىدا بيىلعى جىلدىڭ تامىز ايىنان باستاپ جۇمىس ىستەگەن. پاتەر يەلەرىنىڭ جوقتىعىن پايدالانىپ, ول جاتىن بولمەسىندەگى سومكەدەن اقشا ۇرلاعان.
جەدەل ىزدەستىرۋ شارالارى بارىسىندا كۇدىكتى ايەل تۇرعىلىقتى جەرى بويىنشا كوپ ۇزاماي ۇستالدى. ايەلدەن ۇرلانعان اقشا تابىلىپ, تاركىلەندى. ايەل 2 مىڭ دوللاردى ايىرباستاپ العان, بىراق ۇرلانعان اقشانى پايدالانىپ ۇلگەرمەگەن.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى ءوز كىناسىن مويىندادى. ەلوردا اۋماعىندا بۇرىن جاسالعان وسىعان ۇقساس قىلمىستارعا ونىڭ قاتىسى بار-جوعى تەكسەرىلۋدە.
