باعدارلامالار • 05 قاراشا، 2021

«بولاشاق» – قازاقستاننىڭ حالىقارالىق برەندىنە اينالدى

134 رەت كورسەتىلدى

«Nur Otan» پارتياسىنىڭ ءباسپاسوز قىزمەتى «تاريحتا وسى كۇنى» ايدارى اياسىندا الەۋمەتتىك جەلىلەردە «بولاشاق» باعدارلاماسىنا ارنالعان بەينەروليك جاريالادى، دەپ حابارلايدى Egemen.kz.

«1993 جىلدىڭ 5 قاراشاسىندا ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ «بولاشاق» ستيپەندياسىن تاعايىنداۋ تۋرالى جارلىعى شىقتى. ەلباسىنىڭ تەڭدەسسىز شەشىمىنىڭ ارقاسىندا مىڭداعان قازاقستاندىق الەمنىڭ ۇزدىك جوعارى وقۋ ورىندارىندا ءبىلىم الۋعا قول جەتكىزدى. بۇگىندە بولاشاقتىقتار ەكونوميكانىڭ ءتۇرلى سالاسىندا تابىستى جۇمىس ىستەپ قانا قويماي، ستارتاپتاردى ىسكە قوسۋدا، ءبىلىم بەرۋ، دەنساۋلىق ساقتاۋ جانە عىلىم سالاسىندا جۇزدەگەن عىلىمي ازىرلەمەلەر مەن جوبالاردى ىسكە اسىرۋدا»، دەلىنگەن بەينەروليك سيپاتتاماسىندا.

2001 جىلى العاشقى تۇلەكتەر ەلدەگى ەڭ تابىستى ۇكىمەتتىك ەمەس ۇيىمداردىڭ بىرىنە اينالعان «بولاشاق» قاۋىمداستىعىن قۇردى.

سونداي-اق 2011 جىلى بولاشاقتىقتار دارىندى بالالاردى قولداۋعا باعىتتالعان الەۋمەتتىك جانە قايىرىمدىلىق جوبالاردى جۇزەگە اسىرۋ ءۇشىن «بولاشاق» قورىن قۇردى.

ماسەلەن، 10 جىل ىشىندە بالالارعا ارنالعان 37 فيلم الەمدىك ستاندارتتارعا ساي اعىلشىن تىلىنەن قازاق تىلىنە دۋبلياجدالدى. «بولاشاق» قورى جۇمىسىنىڭ نەگىزگى باعىتتارىنىڭ ءبىرى – ينكليۋزيۆتى ءبىلىم بەرۋدى دامىتۋ جوباسى. 

ء«ار بالا مەكتەپكە بارۋعا لايىقتى» بولاشاقتىقتاردىڭ جوباسى اياسىندا ەرەكشە ءبىلىم الۋعا قاجەتتىلىگى بار 2 مىڭ بالانىڭ ءومىرى وزگەرىپ، الدىنان جاڭا مۇمكىندىكتەر اشىلدى. ولاردىڭ كوپشىلىگى سويلەۋدى ۇيرەنىپ، ءوز بەتىنشە وقۋعا كوشتى، ءتۇرلى جارىستار مەن وليمپيادالاردىڭ جۇلدەگەرلەرى اتاندى. جالپى، ەلىمىزدىڭ بارلىق وڭىرىندە 59 مامانداندىرىلعان وڭالتۋ مەكەمەسى، ونىڭ ىشىندە 43 ينكليۋزيانى قولداۋ كابينەتى اشىلدى»، دەلىنگەن بەينەروليكتە.

پارتيانىڭ ءباسپاسوز قىزمەتى اتاپ وتكەندەي، «بولاشاق» – قازاقستاننىڭ حالىقارالىق برەندىنە اينالعان ەلباسىنىڭ كوپتەگەن تابىستى جوبالارىنىڭ ءبىرى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار