جاعداي باقىلاۋدا بولۋى ءتيىس

كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ الەۋمەتتىك ماڭىزدى تاۋار تۇرلەرىنە, كوممۋنالدىق تاريفتەرگە باعانى تۇراقتاندىرۋ, وڭىرلەردىڭ كوكتەمگى سۋ تاسقىنىنا دايىندىعى ماسەلەلەرى بويىنشا سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.   بۇگىندە وڭىرلەردە ءبىرىنشى قا­جەتتى تاۋارلارعا باعانىڭ نەگىزسىز ءوسىپ كەتۋىنە جول بەرمەۋ جونىندە كۇندەلىكتى جۇمىس جۇرگىزىلۋدە, دەپ اتاپ ءوتتى ب.ساعىنتاەۆ. وسى ماسەلە بويىنشا وبلىس­تار­­دىڭ, استانا جانە الماتى قا­لا­­لا­رىنىڭ اكىمدەرى اقپاراتتار بەردى. 20 اقپانعا قاتىستى الەۋمەتتىك ماڭىزدى ازىق-ت ۇلىك تاۋارلارى بويىنشا مونوپولياعا قارسى زاڭنامانى بۇزۋ بەلگىلەرى بويىنشا 49 سۋبەكتىگە قاتىستى 14 تەرگەۋ باس­تالدى, دەدى باسەكەلەستىكتى قورعاۋ اگەنتتىگى توراعاسىنىڭ ورىنباسارى ت.بايمۇحانوۆ. مۇناي جانە گاز ۆيتسە-ءمينيسترى م.مىرزاعاليەۆ بۇتىندەي ال­عان­دا, رەسپۋبليكادا ججم باعا­لارىنىڭ وزگەرمەگەنىن جانە تاياۋ ۋا­قىت­تا باعا ءوسۋىنىڭ بول­­جا­­­نىپ  وتىرماعانىن  حابارلادى. وبلىس اكىمدەرى بىرقاتار ءوڭىر­لەردە جەكەلەگەن تاۋار ءتۇر­لەرىنە كەيبىر باعا ءوسۋى تۋرالى حابارلادى. سونىمەن بىرگە, ولار دۇربەلەڭ مەن ازىق-ت ۇلىك تاپشىلىعىنىڭ ورىن الماعانىنا سەندىردى. وسىعان بايلانىستى ءبىرىنشى ۆيتسە-پرەمەر اكىمدىكتەرگە ساۋدا نۇكتەلەرىنىڭ ءۇزىلىسسىز جۇمىس ىستەۋىن قامتاماسىز ەتۋدى, نەگىزگى ازىق-ت ۇلىك ونىمدەرى مەن ججم باعالارىنا كۇن سايىن مونيتورينگ جۇرگىزۋدى تاپسىردى. توتەنشە جاعدايلار ءمينيسترى ۆلاديمير بوجكو, قوسرم, ككم وكىلدەرى  سۋ تاسقىنى احۋالى مەن وعان قارسى قولدانىلاتىن شارالار تۋرالى باياندادى. سول سياقتى وبلىس اكىمدەرىنىڭ ورىنباسارلارى دا كوكتەمگى سۋ تاسقىنىنا دايىندىق بارىسى تۋرالى ايتىپ بەردى. بۇگىندە سۋ تاسقىنى كەزەڭىندە تاسقىن جاعدايلارىنا قارسى ارەكەت ەتۋ جوسپارى مەن مۇددەلى ۆەدومستۆولاردىڭ ءوزارا ءىس-قيمىل جوسپارى ازىرلەندى. ەرنەۋىن بۇزىپ كەتۋ قاتەرى بار ءىرى سۋ قويمالارىنىڭ سۋعا تولۋ جاعدايىنا مونيتورينگ جۇرگىزىلۋدە, دەدى ب.ساعىنتاەۆ. سو­نىمەن بىرگە, ول قازاقستان اۋما­عىندا قاردىڭ بىركەلكى جينال­عانىن, تەك قوستاناي جانە اقتاۋ وبلىستارىندا ونىڭ ءتيىستى نورمادان ارتىق ەكەنىن اتاپ كورسەتتى. وسىعان وراي, تجم-عا اكىم­دىكتەرمەن بىرلەسىپ, تاسقىن زارداپتارىن جويۋعا قاجەتتى كۇشتەر مەن قۇرالداردىڭ دايىندىعىن تەكسەرۋ تاپسىرىلدى. الەۋمەتتىك ماڭىزدى ازىق-ت ۇلىك ونىمدەرىنە باعانى تۇراقتاندىرۋ شارالارى بويىنشا حالىققا تۇسىنىك جۇمىستارىن جۇرگىزۋ ءبىز­دىڭ ءبىرىنشى كەزەكتى مىندەتىمىز. سونى­مەن بىرگە, وڭىرلەر سۋ تاسقىنى كەزەڭ­ىنە دايىندىق بويىنشا جۇيەلى شارالار قابىلداۋى قاجەت, دەپ اتاپ ءوتتى ب.ساعىنتاەۆ.