ەلوردادا اۋىلشارۋاشىلىق جارمەڭكەلەر ماۋسىمى جالعاسۋدا
وسى جانە كەلەسى دەمالىس كۇندەرى, ياعني 6-7 جانە 13-14 قاراشادا «حان شاتىر» سوو جانىنداعى الاڭدا قاراعاندى, اقمولا, پاۆلودار وبلىستارى تاۋار وندىرۋشىلەرىنىڭ جانە نۇر-سۇلتان قالاسى كاسىپكەرلەرىنىڭ قاتىسۋىمەن اۋىل شارۋاشىلىعى جارمەڭكەلەرى وتەدى.
قالا تۇرعىندارى مەن قوناقتارى ءداستۇرلى تۇردە نارىقتىق باعادان 10-15% تومەن تاۋارلاردى ساتىپ الا الادى.
سورەلەردە ونىمدەردىڭ كەڭ اسسورتيمەنتى ۇسىنىلادى, سونىڭ ىشىندە: سيىر ەتى, جىلقى ەتى مەن قوي ەتى, قۇس ەتى, ءسۇت جانە قىشقىل ءسۇت ونىمدەرى, كوكونىستەر (كارتوپ, پياز, ءسابىز, قىرىققابات), جەمىستەر, تاۋىق جۇمىرتقاسى, بالىق, جارما, ۇن. ەكى جارمەڭكەگە 200-دەن استام تاۋار وندىرۋشىلەر مەن كاسىپكەرلەر قاتىسادى.
ايتا كەتۋ كەرەك, ەلوردادا جارمەڭكەلەردى وتكىزۋ الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ قۇرالدارىنىڭ ءبىرى بولىپ تابىلادى. 21 تامىزدان باستاپ نۇر-سۇلتانداعى 14 جارمەڭكەگە قازاقستاننىڭ بارلىق وڭىرلەرىنەن 860-تان استام تاۋار ءوندىرۋشى قاتىستى. ولار بارلىعى 4,8 مىڭ توننادان استام ازىق-ت ۇلىك ساتتى.
«بيىل قالا باسشىلىعىنىڭ شەشىمىمەن ءار جارمەڭكەگە تاۋار وندىرۋشىلەر مەن نۇر-سۇلتان بازارلارىنىڭ كوتەرمە ساتۋشىلارى قاتىسادى. ءار جارمەڭكەگە ەلوردانىڭ 100-120 ءوندىرۋشىسى قاتىسادى», دەدى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ ساۋدا جانە قىزمەت كورسەتۋ سالاسىن دامىتۋ ءبولىمىنىڭ باسشىسى رۋسلان ىدىرىسوۆ.
ونىڭ ايتۋىنشا, اۋا-رايى جاعدايى جارمەڭكەگە قاتىسۋعا اسەر ەتپەيدى, قالا تۇرعىندارى ازىق-ت ۇلىكتى ارتىعىمەن ساتىپ الۋدا. اتاپ وتكەندەي, وڭىرلەردىڭ جارمەڭكەلەرىنە ەلوردا حالقىنىڭ ۇشتەن ءبىرى قاتىسادى.
