شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ريددەر قالالىق تابيعات قورعاۋ پوليتسياسىنىڭ قىزمەتكەرلەرى «براكونەر» جەدەل الدىن الۋ شاراسى بارىسىندا نۇر-سۇلتان قالاسىنىڭ 4 تۇرعىنىن ۇستادى. ولار 34 ءتۇپ ءسىبىر شىرشاسىن تامىرىمەن زاڭسىز قازىپ العان.
انىقتالعانداي, ەلوردالىقتاردى ريددەر قالاسىنىڭ 53 جاستاعى تۇرعىنى شاقىرعان. ەر ادام ولارعا ءسىبىر شىرشاسىن استاناعا الىپ كەتۋ ءۇشىن كومەك كورسەتتى.
«قازىرگى ۋاقىتتا اتالعان فاكتى بويىنشا قر قك-ءنىڭ 188-بابى 2-بولىگىنە سايكەس سوتقا دەيىنگى تەرگەۋ امالدارى باستالدى. زاتتاي دالەلدەمەلەر الىنعان. مەملەكەتكە كەلتىرىلگەن زالال مولشەرى انىقتالۋدا», دەدى وبلىستىق پد باستىعى ساعات ماديەۆ.
كۇدىكتىلەر 5 جىلعا دەيىنگى مەرزىمگە باس بوستاندىقتارىنان ايىرىلۋى مۇمكىن.
