ونلاين-وتىرىسقا قازاقستاننىڭ, ازەربايجاننىڭ, تۇركىمەنستاننىڭ, قىرعىز رەسپۋبليكاسىنىڭ جانە وزبەكستاننىڭ مەملەكەتتىك ورگاندارىنىڭ, سونداي-اق بۇۇ ەەك, بۇۇ اتمەاك, حالىقارالىق ۇەۇ وكىلدەرى قاتىستى.
قاتىسۋشىلار اراسىندا COVID-19 پاندەمياسى كەزىندە ساياسي دەن قويۋ شارالارىن قابىلداۋ ماسەلەلەرى بويىنشا, سونداي-اق گەندەرلىك تەڭدىكتى قامتاماسىز ەتۋ سالاسىندا پايدالى تاجىريبە الماسۋ بولدى.
ونلاين-وتىرىسقا قر اقدم جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ قاتىستى. ول قازاقستانداعى وتباسىلىق-گەندەرلىك ساياساتتىڭ 2030 جىلعا دەيىنگى تۇجىرىمداماسىنىڭ ەرەكشەلىكتەرى جانە ونى ورىنداۋ جونىندەگى ءىس-شارالار جوسپارى تۋرالى ايتىپ بەردى. تۇجىرىمداما مەملەكەت باسشىسىنىڭ بيىلعى قازاقستان حالقىنا جولداۋىندا ايتىلعان تاپسىرمالارىن ورىنداۋ اياسىندا ىسكە اسىرىلادى. ش.بايمانوۆ مينيسترلىك بۇۇ - ايەلدەرمەن بىرلەسىپ, 2022-2024 جىلدارى قازاقستانداعى بارلىق ايەلدەر مەن قىزداردىڭ قۇقىقتارى مەن مۇمكىندىكتەرىن كەڭەيتۋ, گەندەرلىك تەڭدىكتى قامتاماسىز ەتۋ بويىنشا جوبانى ىسكە اسىرۋدى جوسپارلاپ وتىرعانىن اتاپ ءوتتى.
ماسەلەن, وتباسىلىق-گەندەرلىك ساياساتتى ىسكە اسىرۋعا ازاماتتىق سەكتوردى بەلسەندى تۇردە تارتۋ بويىنشا جۇمىس جۇرگىزىلۋدە. قازىر قازاقستاننىڭ ۇەۇ دەرەكقورىندا گەندەرلىك جانە وتباسىلىق ساياسات ماسەلەلەرىن شەشۋمەن تىكەلەي اينالىساتىن 106 ۇەۇ تىركەلگەن.
سونىمەن قاتار, وتىرىس بارىسىندا قاتىسۋشىلارعا بۇۇ ەەك جانە اتمەاك-ءتىڭ تۇراقتى دامۋ جانە گەندەرلىك ماسەلەلەر جونىندەگى ءبولىمى 2021 جىلعى 15-17 قاراشا ارالىعىندا تاشكەنتتە (وزبەكستان) گەندەرلىك ماسەلەلەر جونىندە كەڭەس وتكىزۋدى جوسپارلاپ وتىرعانى تۋرالى حابارلاندى.
