ءبىر اپتاعا جۋىق ۇيىندە بولماي, باسقا قالاعا كەتىپ, ال كەلگەنىندە سەيفتەگى 54 ميلليون تەڭگەسى ۇرلانعانىن كورگەن ازاماتشا دەرەۋ پوليتسياعا حابارلاسقان. ۇرى سەيفتەن 54 ملن تەڭگەنى الىپ, 2 ملن تەڭگەنى قالدىرىپ كەتكەن.
پوليتسەيلەر بەينەكامەرالاردى تەكسەرگەنمەن ۇرلىققا قاتىستى دايەك تاپپاعان. الايدا وقيعاعا دەيىن پاتەرگە كەلىپ, قوناق بولىپ جۇرگەندەر اراسىندا جابىرلەنۋشىنىڭ 42 جاستاعى قۇربىسى كۇدىك ۇيالاتقان.
تەرگەپ-تەكسەرۋ امالدارى بارىسىندا كۇدىكتىنىڭ قوماقتى قاراجاتپەن الماتى قالاسىنا كەتكەندىگى انىقتالدى. پوليتسيا قىزمەتكەرلەرى ۇستاۋ بارىسىندا ايەلدەن 36 ميلليون تەڭگە تاركىلەدى. كۇدىكتى ءوز كىناسىن تولىقتاي مويىندادى.
اتىراۋلىق پوليتسەيلەر قر قىلمىستىق كودەكسىنىڭ 188-بابى 4-بولىگى بويىنشا تەرگەۋ امالدارىن جۇرگىزىپ, ءىس-قۇجاتتارىن سوتقا جولدادى.
