بوكس • 01 قاراشا, 2021

بوكستان الەم چەمپيوناتىندا قازاقستاندىققا قاتىستى داۋ شىقتى

500 رەت

كورسەتىلدى

1 مين

وقۋ ءۇشىن

بەلگرادتا ءوتىپ جاتقان بوكستان الەم چەمپيوناتىندا قازاقستان قۇراماسى وكىلىنە قاتىستى جانجال شىقتى, دەپ حابارلايدى Egemen.kz.

گاۋھار قاپاش

بوكستان الەم چەمپيوناتىندا قازاقستاندىققا قاتىستى داۋ شىقتى

48 كيلوعا دەيىنگى سالماق دارەجەسىندە 1/8 فينالدا تەمىرتاس ءجۇسىپوۆتىڭ ومەر امەتوۆيچكە قارسى جەكپە-جەگى نارازىلىق تۋدىرعان. جەكپە-جەكتە تورەشىلەردىڭ باسىم بولىگىنىڭ شەشىمى بويىنشا قازاقستاندىق جەڭىسكە جەتكەن.

سەربيانىڭ بوكس وداعى بۇل شەشىمدى «ۇيات» دەپ اتاپ, تورەشىلەردى ۇرلانعان جەڭىسكە ايىپتادى.

«تورەشىلەردىڭ تىكەلەي شەشىمى ءبىزدىڭ بوكسشىمىزعا قارسى بولدى», دەدى وداق پرەزيدەنتى سلوبودان دجۋريچ.

«سەرب بوكسشىلارىنىڭ ءبىرىنشى, ءۇشىنشى جانە ءتورتىنشى جەكپە-جەكتەرىندە وسىنداي بولدى, تورەشىلەر ءبارىنىڭ كوز الدىندا قارسىلاستارىنا العاشقى راۋندتى بەردى, دەگەنمەن بۇل راۋندتار بوكسشىلارىمىزدىڭ تازا جەڭىسى ەدى», دەدى ول.

فۋنكتسيونەر جەكپە-جەكتىڭ ناتيجەلەرىنە شاعىمدانعانىن ايتتى.

ءجۇسىپوۆ بوكستان الەم چەمپيوناتىنىڭ شيرەك فينالىنا شىققان. كەلەسى جەكپە-جەكتە جەڭىسكە جەتسە, قازاقستاندىقتىڭ الەم چەمپيوناتى مەدالىنە ءۇمىتى بار.