قازاقستان فۋتبول فەدەراتسياسى ءباسپاسوز قىزمەتىنىڭ تاراتقان مالىمەتى بويىنشا, قازىرگى ۋاقىتتا بىرقاتار وتاندىق فۋتبول تورەشىلەرى, وقۋدىڭ بارلىق كەزەڭىنەن ءوتىپ, رەسمي ويىنداردا VAR (video assistant referee) جانە AVAR (assistant VAR) رەتىندە جۇمىس ىستەۋ ءۇشىن FIFA-دان قاجەتتى ليتسەنزيالارىن العان.
ءسويتىپ كەلەسى ماۋسىمدا OLIMPBET-سۋپەركۋبوك, OLIMPBET-چەمپيونات جانە OLIMPBET-كۋبوگىنىڭ ويىندارىندا قىزمەت كورسەتۋگە جوسپارلانعان بارلىق تورەشى ءۇشىن وقىتۋ جانە ليتسەنزيالاۋ پروتسەسى جالعاسۋدا. ال وسى ماۋسىمداعى كۋبوكتىڭ جارتىلاي فينالدىق جانە فينالدىق ويىندارى FIFA جانە IFAB بەكىتكەن VAR حاتتاماسىنا سايكەس وتەدى.
فۋتبولدان قازاقستان كۋبوگى ويىندارىنىڭ جارتىلاي فينالىندا «توبىل» – «شاحتەر» جانە «استانا» – «قايرات» كلۋبتارى باق سىنايدى. العاشقى ويىندار 6-7 قاراشاعا, قارىمتا ماتچتار 20-21 قاراشاعا جوسپارلانعان. ايتا كەتەيىك, سوڭعى رەت قازاقستان كۋبوگىن 2019 جىلى قىزىلوردانىڭ «قايسارى» جەڭىپ العان بولاتىن. ال بىلتىر پاندەمياعا بايلانىستى كۋبوك باسەكەسى ۇيىمداستىرىلعان جوق.
