مودۋلدىك پوليتسيا بەكەتتەرىنىڭ سەپتىگى

بيىل وڭىردە 1 قىركۇيەكتەن باستاپ «ۋچاسكە» پروفيلاكتيكالىق ءىس-شاراسى وتكىزىلدى. ونىڭ بارىسىندا ۋچاسكەلىك پوليتسيا ينسپەكتورلارى سانيتارلىق تالاپتاردى ساقتاي وتىرىپ، اۋلا جانە كوپقاباتتى ۇيلەردى تەكسەرۋدە، ىشكى ىستەر ورگاندارىندا پروفيلاكتيكا­لىق ەسەپتە تۇرعان ادامدار باقىلاۋعا الىندى.

وبلىستا «سەرۆيستىك مودەلگە» كو­­شۋ ءىسى جۇرگىزىلۋدە. تۇرعىنداردان حابارلامالاردى «102» موبيلدىك قوسىمشاسى ارقىلى قابىلداۋ باستالدى. بۇل جۇيە ازاماتتاردىڭ پولي­تسياعا الەۋمەتتىك جەلىلەر، ەلەك­تروندى پوش­تا جانە باسقا دا مەسسەند­جەرلەر ارقىلى ورىن العان قىل­مىستار مەن قۇقىق بۇزۋشىلىقتار تۋرالى اقپارات جىبەرۋگە مۇمكىندىك بەرەدى. قازىردىڭ وزىندە وبلىستا اتال­عان قوسىمشانى پايدالانۋشىلار قاتارى ءوسىپ كەلەدى.

پاۆلودار وبلىستىق پوليتسيا دە­پارتامەنتى جەرگىلىكتى پوليتسيا باس­قارماسى قىزمەتىنىڭ باستىعى عا­لىم سارعۇلوۆتىڭ مالىمەتىنشە، ۋچاس­كەلىك ينسپەكتورلار 186 مىڭ پا­تەر مەن جەكە ۇيلەردى ارالاپ، 20 مىڭ­نان استام ساياجاي القابىن، 990 شارۋا قوجالىعىن، قاراۋسىز قالعان 773 عيمارات پەن قۇرىلىس نىسا­نىن، كارىز قۇدىقتارىن تەكسەردى. ءتۇرلى زاڭ بۇزۋ­شىلىقتار ءۇشىن 12 مىڭ ازا­مات اكىم­شىلىك جاۋاپكەرشىلىككە تار­تىلعان.

مىسالى، پوليتسيا قىزمەتى جانجال شىعارعان 365 وتباسىنىڭ وتاعاسى­لارىن تارتىپكە شاقىرسا، تۇرمىستىق سالادا قۇقىق بۇزىپ، وتباسىنىڭ تى­نىش­تىعىن بۇزعان 2 مىڭنان استام ادام جاۋاپ­كەرشىلىككە تارتىلعان. ەلىمىز اۋما­عىندا تىركەۋسىز نەمەسە جەكە باسىن كۋالاندىراتىن قۇجات­تارسىز جۇرگەنى ءۇشىن قۇقىق بۇزۋدىڭ 1204، كوشى-قون زاڭناماسىن بۇزۋدىڭ 108 فاكتىسى انىقتالدى. سونىمەن بىرگە 6 مىڭ قارۋ يەسىن تەكسەردى، ولاردان 40 بۇزۋشىلىق انىقتالدى، 46 قارۋ تاركىلەنگەن.

قازىرگى تاڭدا قىلمىس سانىنىڭ ازايۋىنا مودۋلدىك پوليتسيا بەكەتتەرى دە كومەككە كەلمەك. ءموبيلدى، ارنايى جاراقتانعان بەكەتتەر ارقى­لى ءوڭىر تۇرعىندارى پوليتسيا قىزمەت­كەرلەرىنە زاڭ تالاپتارىنىڭ بۇزىلۋى جاي­لى ارىز-شاعىم جازۋمەن بىرگە، وتى­نىش­تەرىنە سايكەس ءتۇرلى قاجەتتى زاڭ كەڭەست­ەرىن دە الا الادى. مودۋلدىك پولي­تسيا پۋنكتتەرىنىڭ قۇرامىندا ۋچاس­كەلىك پوليتسەيلەر، كامەلەتتىك جاس­قا تولماعانداردىڭ ىسىمەن اينالى­سا­تىن ينسپەكتورلار جانە پوليتسيا­نىڭ وڭىرلىك جەدەل ۋاكىلدەرى بار.

وبلىس اكىمدىگىنىڭ مالىمەتىنشە، مودۋلدىك پوليتسيا پۋنكتتەرى وڭىردەگى كريمينوگەندى وقيعالار كوپ تىركەلەتىن قالالارداعى شاعىن اۋدانداردا، اۋدان ورتالىقتارىندا قۇرىلادى. ماقسات – پوليتسيا قىزمەتكەرلەرىنىڭ تۇرعىندارعا جاقىن بولۋىن قام­تا­ماسىز ەتۋ جانە حالىقتىڭ قاۋىپ­سىز­دىگىن لايىقتى قورعاۋ. بەكەت­تەر­دىڭ ارقايسىسى تۇرعىندار تۇ­سىر­­گەن بەينەنى پوليتسيانىڭ پۋل­تىنە جى­بەرەتىن كامەرالارمەن جابدىق­تالعان.

بۇل بەكەتتەر تۇرعىنداردىڭ ۋچاس­كەلىك ينسپەكتورلارعا دەگەن سەنى­مىن ارتتىرارى ءسوزسىز. قازىر وبلىس ور­تا­لىعىنداعى بىرنەشە شاعىن اۋداندا، اۋدان ورتالىعى باياناۋىل اۋىلىندا تىرەك بەكەتتەرى جۇمىستارىن باستاپ تا كەتتى. ۋچاسكەلىك ينسپەكتورلاردىڭ ايتۋىنشا، جۇمىستىڭ وسىنداي جاڭا فورماتى ءتيىمدى، وزدەرىنە قاراستى بو­لىمشەدە قىزمەت ەتۋ تۇرعىندارمەن باي­لانىستا بولىپ، جاعدايدىڭ ءبارىن باقىلاپ وتىرۋعا مۇمكىندىك بەرەدى.

سونداي بەكەتتەردىڭ ءبىرى وبلىس ور­تا­­­لىعىنداعى پوليتسياعا «شاقىر­تۋلار» كوپ تۇسەتىن ق.قامزين كوشەسى 164-ءۇيدىڭ اۋلاسىندا اشىلدى. اۋلادا پوليتسيا بەكەتى ورنالاسقانىنا تۇرعىن­دار دا قۋانىشتى.

– ءبىزدىڭ شاعىن اۋدانداعى قاۋىپ­سىزدىك ماسەلەسى قيىنداۋ ەدى. الاڭ­دايتىنبىز. ەندى، مىنە، پوليتسيا بىزگە جاقىن كەلدى، – دەيدى ءۇي تۇرعىنى قالي سارسەن ۇلى.

ال ۋچاسكەلىك ينسپەكتور ەرسىن وما­روۆتىڭ سوزىنە قاراعاندا، وسى جەر­دەگى ۋچاسكەدە 23 مىڭنان استام ادام تۇرادى. بۇعان دەيىن تىرەك بەكەتتەر ارنايى بەكىتىلگەن جاۋاپتى ۋچاسكەنىڭ شەكتەۋلى بولىگىندە ورنالاساتىن ەدى. قازىر بارلىق اتقاراتىن جەدەل قىزمەت ءۇشىن جاعداي جاسالعان.

وبلىس اكىمى ابىلقايىر سقاقوۆ پاۆ­لودار قالاسىنداعى ديسپەتچەر جانە ەكىن­شى پاۆلودار شاعىن اۋداندا­رىندا ورنالاسقان مودۋلدىك پوليتسيا پۋنك­تتەرىمەن تانىستى. بەكەتتەردىڭ ىشىندە تۇرعىندارعا پايدالى اقپارات­تار­دى ورنالاستىرۋعا كەڭەس بەرىپ، پوليتسيا قىزمەتكەرلەرىنە جاڭا فورما­ت-­­
تاعى جۇمىستارىنا ساتتىلىك تىلەدى.

– باستى مىندەت – پوليتسيانىڭ تۇر­عىندارعا جاقىن بولۋىن قام­تا­ماسىز ەتۋ. قالا، اۋدان تۇرعىندارى وز­دەرىنىڭ ۋچاسكەلىك ينسپەكتورلارىن ءبىلۋى كەرەك. جاڭادان قۇرىلعان بەكەت­تەردىڭ دە – ماقساتى وسى. پوليتسيا حا­لىققا جاقىن بولسا قۇقىق قورعاۋ قىز­مەتىنىڭ ساپاسى دا جاقسارادى، – دەيدى ءا.سقاقوۆ. وسى ارادا ايتا كەتەر جايت، وب­لىستاعى قۇقىق قورعاۋ سالا­سىن­دا پوليتسيا قىزمەتكەرلەرى جەتىس­پەيدى. بۇل كۇندەرى پوليتسيا دەپار­تامەنتىندە 300-دەي ماماننىڭ ورنى بوس. سوندىق­تان دەپارتامەنت باس­شىلىعى اسكەردە مىندەتتى بورىشىن وتەپ كەلگەن جاستاردى پوليتسيا قۇرا­مىنا قىزمەت ەتۋگە شاقىرۋدا.

پاۆلودار وبلىسى