بۇل ماسەلە وتكەن اپتادا مەملەكەتتىك كەڭەستىڭ اقپارات كەڭسەسى ۇيىمداستىرعان ءباسپاسوز ءماسليحاتىندا ايتىلدى. جيىن بارىسىندا «كليماتتىڭ وزگەرۋىنە قارسى تۇرۋ: قىتايدىڭ ساياساتى مەن ارەكەتتەرى» جونىندەگى «اق قاعاز», ياعني ساياساتتى تۇسىندىرەتىن مەملەكەتتىك حابارلاما تانىستىرىلدى.
قازىرگى تاڭدا قىتايعا قاجەتتى ەنەرگەتيكالىق قۋاتتىڭ 53,3 پايىزى قازبالى وتىنداردان وندىرىلەدى. جوعارىدا اتالعان قۇجاتقا سايكەس قازبالى ەمەس ەنەرگيانىڭ ۇلەسى وتكەن جىلى 15,9 پايىزعا دەيىن كوتەرىلگەن. بۇل 2005 جىلمەن سالىستىرعاندا 8,5 پايىزعا جوعارى.
سونىمەن قاتار 2005 جىلمەن سالىستىرعاندا كۇن ەنەرگياسىنىڭ قۋاتى 3000 ەسە, جەل ەنەرگياسىنىڭ قۋاتى 200 ەسە وسكەن. «اق قاعازدا» قىتاي قۋات تيىمدىلىگىن ارتتىرىپ, جاھاندىق ەنەرگيانى ۇنەمدەۋگە ۇلكەن ۇلەس قوسىپ وتىرعانى ايتىلعان.
