ايماقتار • 28 قازان، 2021

كوكشەتاۋدا 18 جاستاعى قىزدار ەسىرتكى تاسىمالداعان

75 رەت كورسەتىلدى

اقمولا وبلىسىنىڭ پوليتسەيلەرى سينتەتيكالىق ەسىرتكى تاراتتى دەگەن كۇدىكپەن ەكى قىزدى ۇستادى، دەپ حابارلايدى Egemen.kz Polisia.kz-كە سىلتەمە جاساپ.

بەلگىلى بولعانداي، كوللەدج ستۋدەنتتەرى قوسىمشا اقشا تابۋ مۇمكىندىگىن ىزدەپ، ينتەرنەت-قوسىمشالاردىڭ بىرىندە ەسىرتكى تاسىمالىن ۇسىنعان جارنامانى كەزدەستىرەدى. ولارعا اسحانادا جۇمىس ۇسىنىلىپ، كۇنىنە 30 مىڭ تەڭگەگە دەيىن اقشا تولەۋ ۋادە ەتىلگەن. حات الماسۋ بارىسىندا قىزدار ەسىرتكى تاسىمالداۋ كەرەكتىگىن انىقتادى، بىراق ولار بۇل ۇسىنىستان باس تارتا قويماعان.

«كوكشەتاۋ قالاسىنداعى «وقجەتپەس» ستاديونىنىڭ جانىندا سينتەتيكالىق ەسىرتكى زاتتارىن تاسىمالداعان ەكى ستۋدەنت ۇستالدى، ولاردىڭ وزىمەن بىرگە جانە تۇرعىلىقتى جەرى بويىنشا 95 ەسىرتكى وراماسى تاركىلەندى. ستۋدەنتتەر ەسىرتكىنى جۇمساق ويىنشىققا سالىپ تاسىمالداعان»، دەدى اقمولا وبلىسى پد ۋپن باستىعى مەيرام جاپباسوۆ.

ونىڭ ايتۋىنشا، قوس قۇربى بىرلەسىپ جۇمىس ىستەگەن. بىرەۋى بەلگىلەنگەن جەرگە ەسىرتكى سالعان، ال ەكىنشىسى ساتىپ الۋشىلارعا حات جازعان.

«قازىرگى ۋاقىتتا اتالعان فاكتى بويىنشا قر قك 296-بابى 2-بولىگى بويىنشا ساراپتاما تاعايىندالدى، ونىڭ ناتيجەلەرى بويىنشا ءىس قر قك 297-بابىنا قايتا سارالاناتىن بولادى. وسى باپ بويىنشا 15 جىلعا دەيىن باس بوستاندىعىنان ايىرىلۋ قاۋپى بار»، دەدى مەيرام جاپباسوۆ.

جىل باسىنان بەرى اقمولا وبلىسىندا 12 كەپىلگەر ۇستالدى، ولاردىڭ ۇشەۋى - كامەلەتكە تولماعاندار. زاڭسىز اينالىمنان سينتەتيكالىق ەسىرتكىنىڭ جارتى كيلوگرامنان استامى تاركىلەندى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار