ءبىلىم • 28 قازان، 2021

الەمنىڭ 12 ەلىندە قازاق ءتىلى كۋرستارى وقىتىلادى

62 رەت كورسەتىلدى

ەلىمىزدىڭ ءبىلىم جانە عىلىم مينيسترلىگى ءتىل ساياساتى كوميتەتىنىڭ تاپسىرىسىمەن «اباي ينستيتۋتى» باعدارلاماسى اياسىندا اقش، تۇركيا، رەسەي، فرانتسيا، گەرمانيا، بريتانيا، بەلگيا، يران، موڭعوليا، وزبەكستان، ماجارستان مەملەكەتتەرىندە تۇراتىن قازاق دياسپوراسى وكىلدەرىنە قازاق ءتىلىن ۇيرەتىپ جۇرگەن وقىتۋشىلارعا ادىستەمەلىك كومەك رەتىندە «قازاق ءتىلىن ۇيرەتۋ: وتاندىق جانە شەتەلدىك تاجىريبە» كۋرسى ۇيىمداستىرىلدى، دەپ جازادى Egemen.kz.

«وتانداستار» قورىمەن بىرلەسە وتىرىپ قازان ايىندا ونلاين رەجيمدە وتكىزىلگەن ءىس-شارانىڭ ۇزاقتىعى - ءبىر اپتا.

كۋرستىڭ باستى ماقساتى - شەتەلدەردەگى قازاق مادەني ورتالىقتارىنا عىلىمي-ادىستەمەلىك قولداۋ كورسەتۋ جانە قازاقستان اۋماعىنان تىس جەردە تۇرىپ، قازاق ءتىلىن ۇيرەنىپ جانە ۇيرەتىپ جۇرگەن قانداستارىمىزعا قولداۋ كورسەتۋ.

كۋرستى قازاق ءتىلىن ۇيرەتىپ جۇرگەن وتاندىق وقىتۋشىلار مەن ادىسكەرلەر وزدەرىنىڭ جىلدار بويى قالىپتاسقان تاجىريبەلەرى نەگىزىندە دەڭگەيلەر بويىنشا (ا1، ا2، ۆ1، ۆ2، س1) جۇرگىزدى.

ء«تىل-قازىنا» ورتالىعىنىڭ ادىستەمە باسقارماسىنىڭ باسشىسى ايگۇل ورمانوۆا ءىس-شاراعا قاتىسۋشىلارعا ساندىق تەحنولوگيانىڭ كومەگىمەن قازاق ءتىلىن انا ءتىلى جانە ەكىنشى شەت ءتىلى رەتىندە وڭتايلى ۇيرەتۋ، وقىتۋداعى ءادىس-تاسىلدەردى، ادىستەمەلەردى، تەحنولوگيالاردى قازىرگى كەزەڭ تالاپتارىنا بايلانىستى قولدانۋ جولدارىن كورسەتتى. قاتىسۋشىلار ءتىلدى قاشىقتان ءتيىمدى وقىتۋدىڭ ءادىس-تاسىلدەرىمەن تانىسىپ، ءوزارا تاجىريبە الماستى. سونداي-اق وقىتۋشىلار قازاق ءتىلىن ۇيرەتۋگە ارنالعان ۇزدىك وقۋ-ادىستەمەلىك قۇرالدارمەن تانىستى.

كۋرسقا 250-گە جۋىق تىڭداۋشى قاتىسىپ، سەرتيفيكاتقا يە بولدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار