اۋا رايى • 28 قازان، 2021

كوكتايعاق، قار، تۇمان: سينوپتيكتەر بىرنەشە وڭىردە ەسكەرتۋ جاريالادى

83 رەت كورسەتىلدى

سينوپتيكتەر 29 قازانعا ارنالعان اۋا رايى بولجامىن ۇسىندى، دەپ حابارلايدى Egemen.kz.

«فرونتالدى بولىمدەردىڭ اسەرىنەن رەسپۋبليكانىڭ كوپ بولىگىندە جاۋىن-شاشىن تەك ەلدىڭ ورتالىق وڭىرلەرى جوعارى قىسىم ءورىسىنىڭ اسەرىنەن بولادى، وسىعان بايلانىستى جاۋىن-شاشىنسىز اۋا رايى كۇتىلەدى. ەلدىڭ وڭتۇستىك-شىعىسىندا، وڭتۇستىگىندە، باتىسىندا، سولتۇستىگىندە، سولتۇستىك-باتىسىندا جانە ورتالىعىندا – تۇمان، سولتۇستىگىندە - كوكتايعاق، تومەن بۇرقاسىن، سولتۇستىگىندە، سولتۇستىك-باتىسىندا، شىعىسىندا، وڭتۇستىك-شىعىسىندا - جەل كۇشەيەدى»، دەپ جازادى «قازگيدرومەت» رمك.

سولتۇستىك قازاقستان وبلىسىندا جەل 15-20 م/س دەيىن كۇشەيەدى، كۇندىز ەكپىنى 25 م/س، كۇندىز سولتۇستىكتە، باتىستا كوكتايعاق، بۇرقاسىن كۇتىلەدى.

اقمولا وبلىسىنىڭ شىعىسىندا جانە سولتۇستىگىندە سينوپتيكتەر جەلدىڭ جىلدامدىعى 15-20 م/س دەيىن كۇشەيەدى، كۇندىز سولتۇستىكتە كوكتايعاق بولادى دەپ بولجاپ وتىر.

پاۆلودار وبلىسىنىڭ سولتۇستىك-باتىسىندا جەل سەكۋندىنا 15-20 مەترگە دەيىن كۇشەيەدى.

قوستاناي وبلىسىنىڭ سولتۇستىگىندە جانە سولتۇستىك-شىعىسىندا 15-20 م/س دەيىن جەل كۇشەيەدى، تاڭەرتەڭ جانە كۇندىز تۇمان تۇسەدى.

جامبىل وبلىسىنىڭ تاۋلى اۋداندارىندا جەلدىڭ جىلدامدىعى 15-20 م / س جەتەدى، تۇندە جانە تاڭەرتەڭ تۇمان تۇسەدى.

تۇركىستان وبلىسىنىڭ تاۋلارىنا دا تۇمان تۇسەدى.

باتىس قازاقستان وبلىسىندا تۇندە جانە تاڭەرتەڭ باتىستا، سولتۇستىكتە، اتىراۋ وبلىسىندا وڭتۇستىك-باتىستا تۇمان تۇسەدى.

قاراعاندى وبلىسىنىڭ ورتالىعى مەن شىعىسىندا، شىعىس قازاقستان وبلىسىنىڭ سولتۇستىك بولىگىندە تۇندە تۇمان تۇسەدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار