وبلىستىق پوليتسيا قىزمەتكەرلەرىنىڭ حابارلاۋىنشا, وقيعا 27 قازان كۇنى كەشكىسىن بولعان.
ء«تارتىپ ساقشىلارىنا تاكسي جۇرگىزۋشىسىنە شابۋىل جاسالعانى تۋرالى قوڭىراۋ ءتۇستى. جۇرگىزۋشىنىڭ ايتۋىنشا, جولاۋشى مەجەلەنگەن جەرگە جەتكەننەن كەيىن جولاقىسىن تولەۋدىڭ ورنىنا پىشاقتاپ ولتىرمەك بولعان.
تاكسي جۇرگىزۋشىسىنە ءوتىپ بارا جاتقانداردىڭ ءبىرى كومەكتەسپەك بولىپ جۇگىرىپ كەلگەن. ول پىشاقپەن تاپ بەرگەن ادامدى كولىكتەن شىعارۋعا ۇمتىلعان. ماس جولاۋشى ونى دا پىشاقتاماق بولعاندا وعان جاۋاپ رەتىندە ءارى قورعانۋ ءۇشىن بەلگىسىز تراۆماتيكالىق قارۋدان بىرنەشە وق اتقان», دەپ ناقتىلادى پوليتسيا دەپارتامەنتى.
كوپ ۇزاماي جانجال شىعارعان 55 جاستاعى جولاۋشى ۇستالدى.
«وعان گوسپيتاليزاتسياسىز مەديتسينالىق كومەك كورسەتىلدى. اتالعان فاكتىگە سايكەس قر قك 293-بابى «بۇزاقىلىق» بويىنشا سوتقا دەيىنگى تەرگەۋ باستالدى. قازىرگى ۋاقىتتا وق اتۋشىنىڭ جەكە باسى انىقتالۋدا», دەپ تولىقتىردى دەپارتامەنت.
