وقيعا • 28 قازان، 2021

الماتىدا وقۋشى 11 قاباتتان سەكىرىپ كەتتى

53 رەت كورسەتىلدى

الەۋمەتتىك جەلىدە الماتىدا مەكتەپ وقۋشىسى 11 قاباتتان سەكىرىپ كەتتى دەگەن اقپارات تاراپ جاتىر، دەپ حابارلايدى Egemen.kz.

الماتى قالاسى حيميا-بيولوگيا باعىتىنداعى نازارباەۆ زياتكەرلىك مەكتەپ اكىمشىلىگى اقپاراتتى راستادى.

«2021 جىلعى 28 قازاندا وقۋشى وقۋدان تىس كەزىندە جازاتايىم جاعدايعا ۇشىرادى. قازىرگى ۋاقىتتا تەرگەۋ امالدارى جۇرگىزىلۋدە. كامەلەتكە تولماعان بالانىڭ جانە باستالعان تەرگەۋدىڭ مۇددەسى ءۇشىن مەكتەپ قوسىمشا اقپاراتتى بەرە المايدى»، دەپ حابارلادى ءبىلىم مەكەمەسى.

الماتى قالالىق پوليتسيا دەپارتامەنتى اتالعان فاكتى قازاقستان رەسپۋبليكاسى قىلمىستىق كودەكسىنىڭ 105-بابى بويىنشا بوستاندىق اۋداندىق پوليتسيا بولىمىندە سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلگەنىن ءمالىم ەتتى.

«وقيعانىڭ سەبەپتەرى مەن ءمان-جايى ءوندىرىس بارىسىندا انىقتالادى. سوت-مەديتسينالىق ساراپتاما تاعايىندالدى»، دەپ حابارلادى پوليتسيادان.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار