ايماقتار • 28 قازان، 2021

جۇرگىزۋشى كۋالىگىنەن ايىرىلعانداردى ارنايى باعدارلاما انىقتايدى

39 رەت كورسەتىلدى

الماتى قالاسىندا اۆتوكولىكتى جۇرگىزۋ قۇقىعىنان ايىرىلا وتىرىپ، كولىك تىزگىندەگەن جۇرگىزۋشىلەردى انىقتاۋعا مۇمكىندىك بەرەتىن سەرۆيس ىسكە قوسىلدى، دەپ حابارلايدى Egemen.kz.

كولىك قۇرالىن باسقارۋ قۇقىعىنان ايىرىلا وتىرىپ، ماشينانىڭ رۋلىندە وتىرعان جۇرگىزۋشىلەردى ىزدەۋ جونىندەگى جاڭا تەحنولوگيا جپ جەدەل باسقارۋ ورتالىعىنىڭ بازاسىندا جۇمىس ىستەيدى، ولار قالانىڭ بەينەباقىلاۋ جۇيەلەرىنە بايلانىستىرىلعان.

ماس كۇيىندە كولىك جۇرگىزۋ جاۋاپكەرشىلىگى زاڭنامالىق دەڭگەيدە كۇشەيتىلدى. بۇل قۇقىق بۇزۋشىلىق ءۇشىن جەتى جىل مەرزىمگە كق باسقارۋ قۇقىعىنان ايىرۋ، سونداي-اق 15 تاۋلىككە اكىمشىلىك قاماۋعا الۋ كوزدەلگەن.

«وكىنىشكە وراي، ءىس جۇزىندە كەيبىر جۇرگىزۋشىلەر كۋالىگىنەن ايىرىلىپ، ءوزى ءۇشىن ءتيىستى قورىتىندى جاساماي، قايتادان رۋلگە وتىرادى، بۇدان دا سوراقىسى - كولىكتى ماس كۇيىندە ايداۋ. ال مۇنداي قىلمىستىق نەمقۇرايدىلىق قايعىلى سالدارعا اكەلۋى مۇمكىن»، دەپ جازدى الماتى پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆ Telegram-دا.

پوليتسيادا ىسكە قوسىلعان جاڭا سەرۆيس كولىك قۇرالىن بەينەتىركەۋ جۇيەسى انىقتاعاننان كەيىن جەدەل ۇستاپ الۋ جانە ونى توقتاتۋ ءۇشىن پاترۋلدىك ناريادتارعا دەرەكتەردى بەرۋگە مۇمكىندىك بەرەدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار