الەم • 28 قازان، 2021

بەلارۋستىڭ ءۇش ۇشاعى قازاقستانعا جىبەرىلدى

47 رەت كورسەتىلدى

«بەلاۆيانىڭ» ءۇش ۇشاعى Asiana Airlines اۆياكومپانياسىنىڭ ۋاقىتشا تۇراعىندا بولادى، دەپ حابارلايدى Egemen.kz.

بۇل تۋرالى BBC News جازادى.

قازاقستانداعى Asiana Airlines اۆياكومپانياسىنىڭ وكىلدەرى بەلارۋس ۇشاقتارىنىڭ اۋە پاركىنە كىرمەيتىنىن، تەك ەل اۋماعىندا ۋاقىتشا تۇراقتا بولاتىنىن حابارلاعان.

ايتا كەتەرلىگى، بيىلعى مامىر ايىنىڭ سوڭىنان باستاپ «بەلاۆيا» اۆياكومپانياسىنا ەۋروپا بيلىگى سانكتسيا سالىپ، باتىس ەۋروپا ەلدەرىنە رەيستەر توقتاتىلدى. بۇل شەكتەۋگە مينسكىدەگى Ryanair لاينەرىنىڭ كۇشتەپ قونۋى جانە بورتتاعى وپپوزيتسيالىق بەلارۋس ءجۋرناليسى رومان پروتاسەۆيچتىڭ ۇستالۋى، پرەزيدەنتتىك سايلاۋدان كەيىنگى نارازىلىق سەبەپ بولىپ وتىر.

Flightradar24 سەرۆيسىنىڭ مالىمەتى بويىنشا، سارسەنبىدە Embraer e195-E2 ۇشاعى ew-555 PO، EW-560po جانە EW-563po تىركەۋ نومىرىمەن مينسكىدەن استاناداعى «نۇرسۇلتان نازارباەۆ» اۋەجايىنا قوندى. بۇل ۇشاقتار AerCap ليزينگتىك كومپانياسىنا تيەسىلى. ونىڭ باس كەڭسەسى دۋبليندە تىركەلگەن. «بەلاۆياعا» بۇل ۇشاقتار ۇزاق مەرزىمگە بەرىلىپتى.

بەلارۋس ۇلتتىق اۆياتاسىمالداۋشىسىنا ۇشۋعا شەكتەۋلەر ەنگىزىلگەننەن كەيىن «بەلاۆيا» رەسەي، گرۋزيا، ارمەنيا، ازەربايجان، تۇركيا، ليۆان، يزرايل، ەگيپەت، ءباا، وزبەكستان جانە قازاقستانعا ۇشۋدى جالعاستىرعان. تەك امستەردام، بارسەلونا، بەرلين، بريۋسسەل، فرانكفۋرت، گاننوۆەر، ميلان، ميۋنحەن، ريم، ۆەنا جانە ۆارشاۆاعا رەيستەر جاساي المايدى.

Avia.ru پورتالدىڭ باس رەداكتورى رومان گۋساروۆ «بەلاۆيا» قازاقستانعا ۇشاقتار جىبەرۋ ارقىلى ۇشۋعا تىيىم سالىنعان كەزدەگى شىعىندارىن قايتارۋدى كوزدەپ وتىر.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار