ايماقتار • 28 قازان، 2021

شقو-دا قارۋ ساقتالعان جاسىرىن قويما تابىلدى

69 رەت كورسەتىلدى

شقو بويىنشا قاجد وۆ-156/15 مەكەمەسىنىڭ جەدەل ءبولىمىنىڭ قىزمەتكەرلەرى قارۋ-جاراق جاسىرىنعان جەردى انىقتاپ، سەمەي قالاسىنىڭ پوليتسيا ​باسقارماسىنىڭ قىزمەتكەرلەرىمەن بىرلەسە وتىرىپ، جەدەل جۇمىس جۇرگىزدى. جۇمىس جۇرگىزۋ بارىسىندا شىعىس قازاقستان وبلىسىنىڭ بورودۋليحا تاس جولىندا ماكاروۆ قارۋى جاسىرىلعان قويما تابىلدى، دەپ حابارلايدى Egemen.kz.

«سەمەي-رەسەي شەكاراسى» اۆتوكولىك تاس جولىنىڭ 2 شاقىرىمىندا ورنالاسقان اۋماقتى تەكسەرۋ بارىسىندا 9 مم ماكاروۆ تاپانشاسى مەن 7 دانا وق تابىلدى. سونىمەن قاتار، كەيستەن گراناتاعا ۇقسايتىن 1 دانا كولەمىندە مەتالل زات شىعارىلدى.

تاركىلەنگەن زاتتاردىڭ بارلىعى 37 جاستاعى سەمەي قالاسىنىڭ تۇرعىنىنا​ تيەسىلى ەكەنى انىقتالدى.

1

«سەمەي قالاسىنىڭ دپ قىزمەتكەرلەرىمەن بىرلەسە وتىرىپ، ۇيلەسىمدى جەدەل جۇمىس جۇرگىزىلدى. قىزمەتكەرلەرىمىزدىڭ قىراعىلىعىنىڭ ارقاسىندا ناتيجەلى ءارى ۋاقىتىلى جۇمىس اتقارىلدى»، دەدى جەدەل ءبولىم باستىعىنىڭ ورىنباسارى جەڭىس داۋرەنبەكوۆ.

اتالعان ​ فاكتى بويىنشا قازاقستان رەسپۋبليكاسىنىڭ قىلمىستىق كودەكسىنىڭ 287-بابىنىڭ ​ 3-بولىگىن باسشىلىققا​ الا​ وتىرىپ، ​ (قارۋدى، وق – دارىلەردى، جارىلعىش زاتتاردى جانە جارىلعىش قۇرىلعىلاردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) بويىنشا قىلمىستىق ءىس قوزعالدى.

 

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار