ستاتيستيكا جۇمىسى جۇيەلى

پرەزيدەنت جانىنداعى ورتالىق كوممۋنيكاتسيالار قىزمەتىندە كەزەكتى بريفينگ ءوتتى. وعان ستاتيستيكا اگەنتتىگىنىڭ توراعاسى ءاليحان سمايىلوۆ قاتىستى. «ەلباسى بيىلعى جولداۋىندا  قازاقستان الەمدەگى ەڭ دامىعان 30 مەملەكەتتىڭ قاتارىنا قوسىلۋى كەرەك دەگەن مىندەت جۇكتەدى. وسى ماقساتقا جەتۋ ءۇشىن ۇزاقمەرزىمدى 7 باسىمدىق بەلگىلەندى. ستاتيستيكا ورگاندارى ءوز كەزەگىندە ءجۇرىپ جاتقان ۇدەرىستەردىڭ ساپالى ءول­شەنۋىن, ەلباسى جولداۋىنا ءساي­كەس ەلدە ىسكە اسىرىلىپ جاتقان ستراتەگيالىق جانە باع­دار­­لامالىق قۇجاتتاردى موني­تورينگتەۋدى قامتاماسىز ەتۋى, سونداي-اق, قوعام, حالىق جانە بيزنەستىڭ قاجەتتى ستاتيستيكالىق اقپاراتقا دەگەن قاجەتتىلىگىن قاناعاتتاندىرۋى ءتيىس. وسىعان بايلانىستى ستاتيس­تيكا ورگاندارى ستاتيستيكالىق كورسەتكىشتەردىڭ جۇيەسىن تۇراقتى تۇردە قايتا قاراستىرادى. اگەنت­تىكتىڭ 2014 جىلعا ارنالعان ستاتيستيكالىق نىساندارىن قايتا قاراۋ ناتيجەسىندە رەسپوندەنتتەرگە ەسەپتىك جۇكتەمە تاعى 12 پايىزعا قىسقارتىلدى», دەدى ءا.سمايىلوۆ. ستاتيستيكالىق جۇمىستاردىڭ 2014 جىلعا ارنالعان جوسپارىنا كۇن, جەل جانە گيدروەنەرگەتيكا سىندى جاڭارتىلعان ەنەرگيا كوزدەرىن قولدانۋ وبەكتىلەرى بار كاسىپورىنداردى جاڭادان زەرتتەۋ ەنگىزىلگەن. بيىلعى جىلى حالىقتىڭ ەكولوگيالىق تازا ونىمدەر مەن قىزمەتتەرگە قولجەتىمدىلىگى, ەنەر­گيانىڭ جاڭار­تىلاتىن كوزدەرىنە ينۆەستيتسيالار جانە «جاسىل» قۇرىلىستا ورىندالعان قۇرىلىس جۇمىستارىنىڭ قۇنى سياقتى بىرقاتار وزگە دە كورسەت­كىشتەر قالىپتاستىرىلماق. ساپالى جانە دايەكتى ستاتيس­تيكالىق كورسەتكىشتەردى ۇسىنۋ بولىگىندە ۆەدومستۆو ستاتيستيكانىڭ بارلىق سالالارىندا دەرلىك, سونىڭ ىشىندە ەلىمىزدىڭ ۇلتتىق ستاتيستيكا جۇيەسىنىڭ الەۋەتىن ارتتىرۋعا باعىتتالعان «قازستات» جوباسى شەڭبەرىندەگى حالىقارالىق ساراپشىلاردىڭ ۇسىنىمدارىن ەسەپكە الا وتىرىپ, ادىسنامالىق جانە ادىستەمەلىك بازانى جەتىلدىرۋ جۇمىستارىن جۇرگىزەدى. وتكەن جىلى اگەنتتىك پايدالانۋشىنى ساپالى ستاتيستيكالىق اقپاراتپەن قامتاماسىز ەتۋ ءۇشىن جالپى ستاتيستيكاداعى يننو­ۆاتسيالىق جوبا بولىپ تابىلاتىن «ە-ستاتيستيكا» ينتەگراتسيالانعان اقپاراتتىق جۇيەنى ازىرلەۋدى اياق­تاعان. سونىمەن قاتار, وزگە مەم­لەكەتتىك ورگانداردىڭ اقپا­راتتىق جۇيەلەرىمەن ينتەگراتسيالانۋ بويىنشا جۇمىستى جالع­استىرۋدا. بىلتىر 5 اقپارات­تىق جۇيەمەن ينتەگراتسيالانۋ جۇزەگە اسىرىلعان. اگەنتتىك اۋىلدىق وكرۋگ اكىم­دەرىنىڭ ءار شارۋاشىلىق بويىنشا ەسەپكە الۋ كىتاپتارىن قاعاز­تاسىعىشتان ەلەكتروندىق فورماتقا اۋىستىرۋ بويىنشا جۇمىستى اياقتاۋدا. بۇل اۋىل شارۋاشىلىعى مەن اۋىلدىق ستاتيستيكا ساپاسىن ارتتىرۋعا باعىتتالعان. سونداي-اق, 2014 جىل­عا  دۇنيەجۇزىلىك بانكپەن,  شەتەلدىك ارىپتەستەر كونسورتسيۋمىمەن جانە مۇددەلى مەملەكەتتىك ورگاندارمەن بىرلەسىپ «قازستات» جوباسىن ىسكە اسىرۋ بويىنشا جۇ­مىستاردى ىسكە اسىرۋ سەكىلدى جانە باسقا دا بىرنەشە مىندەت بەلگىلەپ وتىر. ءابدىراحمان قىدىربەك, «ەگەمەن قازاقستان».