تاجىريبەلەرىمەن ءبولىستى

ادام قۇقىقتارى جونىندەگى ۋاكىل اسقار شاكىروۆ سلوۆەنيادا جۇمىس ساپارىمەن بولدى. مۇندا ول ازاپتاۋدى الدىن الۋدىڭ ۇلتتىق الدىن الۋ تەتىگى (ۇات) سالاسىندا  بارشامەن تانىلعان وڭ تاجىريبەسى بار وسى ەلدىڭ اتالعان سالاداعى قىزمەتىمەن تانىستى. ساپار استاناداعى ەقىۇ ورتالىعى مەن ورتالىق ازياداعى حالىقارالىق تۇرمە رەفورماسىنىڭ قولداۋىمەن قازاقستانداعى ۇات-ءتىڭ قولدانىسقا ەنۋىنىڭ قارساڭىندا ءوتتى. قازاقستاننىڭ بۇۇ ازاپتاۋعا قارسى كونۆەن­تسياعا فاكۋلتاتيۆتىك حاتتامانى راتيفيكاتسيالاۋ ءۇشىن ەلباسى ۇات قۇرۋ تۋرالى زاڭعا قول قويدى جانە ول تۇلعانى  ازاپتاۋدان جانە باسقا دا قاتىگەز, ادامگەرشىلىككە جاتپايتىن نەمەسە ار-نامىستى قورلايتىن ءىس-ارەكەتتەر مەن جازالاۋ تۇرلەرىنەن قورعاۋدىڭ كونستيتۋتسيالىق كەپىلدىكتەرىن ىسكە اسىرۋعا باعىتتالعان. ۇات شەڭبەرىندە ازاماتتىق قوعامداستىقتىڭ وكىلدەرى العاش رەت جابىق ۇلگىدەگى مەملەكەتتىك مەكەمەلەرگە (پەنيتەنتسيارلىق مەكەمەلەر, ۋاقىتشا ۇستاۋ وقشاۋلاعىشتارى, گاۋپتۆاحتالار, كامەلەتكە تولماعانداردى بەيىمدەۋ ورتالىعى, ارنايى قابىلداعىشتار, ناركولوگيالىق جانە پسيحياتريالىق مەكەمەلەر جانە ت.ب.) كەدەرگىسىز كىرۋىنە قولجەتىمدى بولۋ قۇقىعىنا يە بولدى. حالىقارالىق پراكتيكادا كەڭ تارالعان «ومبۋدسمەن+» مودەلىنە سايكەس ۇات ۇيلەس­تىرۋشىسىنىڭ فۋنكتسياسى ادام قۇقىقتارى ءجونىن­دەگى ۋاكىلگە جۇكتەلگەن. وتكەن ساپار ازاپتاۋدى الدىن الۋ ماسە­لەسى بويىنشا عانا ەمەس, قۇقىق قورعاۋ پروبلە­مالارىنىڭ بارلىق سپەكترلەرى بويىنشا وي-پىكىرلەر مەن  تاجىريبەمەن اۋقىمدى تۇردە الماسۋدى جۇزەگە اسىرۋعا مۇمكىندىك بەردى. سلوۆەنيا ومبۋدسمەنى ۆلادا نۋسسدورفەر ەكىجاقتى كەزدەسۋ بارىسىندا ومبۋدسمەننىڭ دەلدال بولۋ جاعدايىندا مەملەكەتتىك ورگاندار مەن ازاماتتىق قوعامداستىق اراسىنداعى قۇرىلىمدى ۇنقاتىسۋ ورنىقتىرۋ قاجەتتىلىگىن ايرىقشا اتاپ ءوتىپ, ۇات قۇرۋ مەن قىزمەت ەتۋى تاجىريبەسىمەن ءبولىستى. ا. شاكىروۆ ارىپتەسىن ۇلتتىق قۇقىق قورعاۋ مەكەمەسىنىڭ قىزمەتى تۋرالى, سونداي-اق, قازاقستان ءۇشىن تۇجىرىمدى جاڭا قۇقىقتىق تەتىكتى ىسكە قوسۋ دايىندىعى تۋرالى جان-جاقتى حاباردار ەتتى. – تۇلعانىڭ قۇقىقتارىن جان-جاقتى قور­عاۋ بويىنشا قىزمەت «قازاقستان-2050» سترا­تەگياسىن ىسكە اسىرۋ اياسىندا ازاماتتاردىڭ ادامي الەۋەتىن ارتتىرۋ بولىگى رەتىندە مەم­لەكەتتىڭ نازارىندا, – دەپ اتاپ ءوتتى قازاق­ستان­دىق ومبۋدسمەن. ساپار شەڭبەرىندە قازاقستاندىق دەلەگا­تسيانىڭ مۇشەلەرى نوۆا گوريتسا قالاسىنداعى كوپەر پەنيتەنتسيارلىق مەكەمەسىندە موني­تورينگتىك باقىلاۋعا قاتىستى. ناتيجەسىندە ومبۋدسمەندەر ەكىجاقتى ىنتىماقتاستىقتى جالعاستىرۋ مەن كەڭەيتۋ تۋرالى كەلىسىمگە قول جەتكىزدى, دەپ حابارلادى قازاقستان رەسپۋب­ليكا­سىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.