الەم • 27 قازان, 2021

ددسۇ ساياحاتشىلاردان COVID-19-عا قارسى ۆاكتسينا الۋىن تالاپ ەتپەۋدى ۇسىندى

132 رەت

كورسەتىلدى

1 مين

وقۋ ءۇشىن

دۇنيەجۇزىلىك دەنساۋلىق ساقتاۋ ۇيىمى (ددسۇ) حالىقارالىق ساپارلار بويىنشا ساياحاتشىلاردان COVID-19-عا قارسى ۆاكتسينا الۋىن تالاپ ەتپەۋدى ۇسىندى, دەپ حابارلايدى Egemen.kz.

گاۋھار قاپاش

ددسۇ ساياحاتشىلاردان COVID-19-عا قارسى ۆاكتسينا الۋىن تالاپ ەتپەۋدى ۇسىندى

توتەنشە جاعدايلار كوميتەتى وتىرىسىنىڭ قورىتىندىسى بويىنشا, ددسۇ كەز كەلگەن ەلگە كىرۋدىڭ جالعىز شارتى كوروناۆيرۋسقا قارسى ۆاكتسينا الۋ بولماۋى كەرەك دەپ سانايدى, سوندىقتان ۇيىم ساياحاتشىلاردان ەكپە العانىن دالەلدەۋدى تالاپ ەتپەۋدى ۇسىنادى.

ۇيىم ساراپشىلارى بۇل شەشىمدى بىرقاتار ەلدە ۆاكتسيناتسيا ءالى دە تومەن دەڭگەيدە بولۋىمەن بايلانىستىردى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, تابىسى جوعارى ەلدەردە ءاربىر 100 ادامعا COVID-19-عا قارسى ۆاكتسينانىڭ 133 دوزاسى كەلسە, تابىسى تومەن ەلدەردە 100 ادامعا 4 دوزادان عانا كەلەدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمدەمەسى بويىنشا, مەملەكەتتەر حالىقارالىق جولاۋشىلار تاسىمالىنا تاۋەكەلگە نەگىزدەلگەن كوزقاراستى قابىلداۋى كەرەك - قاجەت بولعان جاعدايدا رەيستەردى توقتاتۋ نەمەسە قىسقارتۋ, پتر-سىناماسىن نەمەسە كارانتينعا جاتقىزۋ.