«نەگىزگى ەنەرگەتيكالىق قورلاردىڭ جوعارى توزۋىن ەسكەرە وتىرىپ, ەنەرگەتيكالىق سەكتوردى 2060 جىلعا دەيىن جاڭعىرتۋ شامامەن 305 ملرد اقش دوللارى ينۆەستيتسياسىن تارتۋدى تالاپ ەتەدى. قوسىمشا ينۆەستيتسيالاردى تارتۋ كومىر ستانسالارىن جاڭعىرتۋ, بۋ-گاز قوندىرعىلارىنا كوشىرۋ جانە جاسىل سۋتەگىن دامىتۋ ءۇشىن قاجەت. كومىرتەكتى ۇستاۋ جانە ساقتاۋ تەحنولوگيالارىن ەنگىزۋ ءۇشىن 37,5 ملرد دوللار كولەمىندە ينۆەستيتسيا قاجەت بولادى», دەدى سەرىكقالي برەكەشەۆ ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ال ەنەرگەتيكا ءبىرىنشى ۆيتسە-ءمينيسترى مۇرات جۇرەبەكوۆ ەلىمىزدىڭ ەنەرگەتيكالىق قۋاتى 23 مۆت-تى قۇرايتىندىعىن, ونىڭ 53 پايىزىنىڭ توزىعى جەتكەنىن ايتادى.
«سول سەبەپتەن 2009 جىلدان باستاپ 4,5 مىڭ مۆت قۋاتتى جاڭعىرتتىق. دەگەنمەن, قالعان 40 پايىزىنا ينۆەستيتسيا تارتىپ, قايتا جاڭعىرتۋ جۇمىستارىن جۇرگىزۋىمىز كەرەك. سول ءۇشىن ينۆەستيتسيا قاجەت», دەدى ول.
