پوليتسيانىڭ حابارلاۋىنشا, وقيعا 23 قازاندا شامامەن ساعات 21.00-دە جەكە ۇيدە بولعان. الكوگولدى ىشىمدىكتى بىرگە ىشكەن بەس ادامنىڭ اراسىندا جانجال شىعىپ, سوڭى توپ بولىپ توبەلەسۋگە جەتكەن.
پىشاق جاراقاتىنان ەكى ادام قايتىس بولدى, ءبىر ادام شۋ قالاسىنىڭ اۋرۋحاناسىنا جانساقتاۋ بولىمىنە جاتقىزىلدى.
جۇرگىزىلگەن تەرگەۋ بارىسىندا 44 جاستاعى جەرگىلىكتى تۇرعىن ۇستالدى. تاعى ءبىر 34 جاستاعى ەر ادامدى ىزدەۋ شارالارى قابىلدانىپ جاتىر.
قىلمىستىق كودەكستىڭ 99-بابى 2-بولىگى 1-تارماعى («ەكى نەمەسە ودان كوپ ادامدى ءولتىرۋ») بويىنشا سوتقا دەيىنگى تەرگەۋ باستالدى.
تەرگەۋ جۇرگىزىلىپ جاتىر, بىرقاتار سوت ساراپتاماسى تاعايىندالدى.
