وتاندىق وندىرۋشىلەرگە مۇمكىندىك

ور­تا­لىق كوممۋنيكاتسيالار قىز­مەتىندە ءداستۇرلى بريفينگ ءوتتى. باسقوسۋدىڭ بۇل جولعى قونا­عى قازاقستاننىڭ ۇلتتىق كاسىپ­كەرلەر پالاتاسىنىڭ باسقارما توراعاسى ابىلاي مىرزاحمەتوۆ بولدى. بريفينگتە ول تەڭگەنىڭ ايىرباس باعامىنا ەنگىزىلگەن تۇزەتۋلەرگە قاتىستى پالاتانىڭ ۇستانىمىن مالىمدەدى. «ايىرباس باعامىنىڭ جا­ڭا دەڭگەيى ەكسپورتقا باعىت­تال­عان سالالاردىڭ باسەكەگە قا­بى­لەتتىلىگىن ارتتىرىپ, قايتا وڭدەۋ ونەر­كاسى­بىنىڭ كەيبىر سالالارىندا, ونىڭ ىشىندە, ازىق-ت ۇلىك ونىمدەرىندە يمپورتتى الماستىرۋدا وتاندىق وندىرۋشىلەرگە ءسوزسىز جاڭا قارقىن بەرەدى. الاي­دا, شاعىن جانە ورتا بيزنەس كاسىپورىندارىندا ۆاليۋتالىق نەسيەلەر بويىنشا قىزمەت كور­سەتۋ جانە وزىندىك قۇنىن­دا جوعارى يمپورتتىق قۇ­رامدى قۇ­رايتىن مەملەكەتتىك ساتىپ الۋلار شارتتارى بويىنشا ءمىن­دەتتەمەلەردى ورىنداۋدا قيىن­دىقتار تۋىنداپ وتىرعانىن ۇمىت­پاعان ابزال», دەدى ۇلتتىق پا­لا­تانىڭ باسقارما توراعاسى ا.مىرزاحمەتوۆ. سونىمەن قا­تار پالاتا شاعىن جانە ورتا بيز­نەستى قولداۋ تۋرالى جانە ۇزاق مەرزىمدى ەكونوميكالىق ءوسىمنىڭ العىشارتتارىن جاساۋ بويىنشا ءتيىمدى شارالار ازىرلەۋگە اسا كوڭىل ءبولۋ كەرەك دەپ سانايدى. ەلباسى نۇرسۇلتان نازارباەۆ 14 اقپاندا وتكەن ۇكىمەتتىڭ كەڭەيتىلگەن وتىرىسىندا ايىرباس باعامىنا ەنگىزىلگەن تۇزەتۋلەر ەكونوميكانىڭ ءوسۋىن كەم دەگەندە 6 پايىزعا قامتاماسىز ەتەتىنىن, ياعني بيۋدجەتتىك تۇسىمدەردىڭ ءوسىمى بايقالاتىنىن اتاپ وتكەن-ءدى. مەم­لەكەت باسشىسىنىڭ تاپ­سىر­ماسى بويىنشا شاعىن جانە ورتا بيزنەس سۋبەكتىلەرىن قارجى­لاندىرۋ قولجەتىمدىلىگىنىڭ كەڭەي­تىلۋى ەسەبىنەن كاسىپكەرلىكتى دامىتۋدى ىنتالاندىرۋ جۇمىس­تارى قولعا الىنباق. وسىلايشا ۇلتتىق قوردان ۇزاق مەرزىمدى نەسيە رەسۋرستارى­مەن قامتاماسىز ەتۋ اياسىندا كاسىپكەرلىكتى دامىتۋعا 2014-2015 جىلدارى 1 تريلليون تەڭگە بولىنبەك. اتالعان نەسيە قارا­جاتتارى يندۋستريالان­دىرۋ باع­دار­لاماسىنىڭ باسىمدىقتارى بويىنشا تەك قايتا وڭدەۋ كاسىپ­ورىندارىن دامىتۋعا بولىنەتىنىن اتاپ وتكەن ءجون. ءابدىراحمان قىدىربەك, «ەگەمەن قازاقستان».