قازاقستان • 27 قازان، 2021

ادام قۇقىقتارى جونىندەگى ۋاكىل اپپاراتىن كەڭەيتۋگە قانشا قارجى جۇمسالادى

64 رەت كورسەتىلدى

قازاقستاندا ادام قۇقىقتارى جونىندەگى ۋاكىل اپپاراتىن ۇلعايتۋعا بيۋدجەتتەن 2 ملرد 938 ملن تەڭگە باعىتتالادى. بۇل تۋرالى «قر ادام قۇقىقتارى جونىندەگى ۋاكىل تۋرالى» زاڭ جوباسى مەن قر پارلامەنتى ءماجىلىسىنىڭ جالپى وتىرىسىندا ىلەسپە تۇزەتۋلەر پاكەتىن ءبىرىنشى وقىلىمدا تالقىلاۋ كەزىندە ايتىلدى، دەپ حابارلايدى Egemen.kz.

زاڭ جوباسىن جانە ىلەسپە تۇزەتۋلەردى تالقىلاۋ كەزىندە دەپۋتات يرينا ۋنجاكوۆا قازاقستانداعى ادام قۇقىقتارى جونىندەگى ۋاكىل اپپاراتىن كەڭەيتۋدى قارجىلاندىرۋ تۋرالى سۇراق قويدى. بۇعان دەيىن بەلگىلى بولعانداي، ءار وبلىستا ءۇش قىزمەتكەردەن جانە نۇر-سۇلتان، الماتى جانە شىمكەنت قالالارىندا ءتورت قىزمەتكەردەن 17 وڭىرلىك وكىلدىكتى قۇرۋ قاجەت. وڭىرلىك دەڭگەيدەگى جالپى سانى - 54 بىرلىك. سونداي-اق ادام قۇقىقتارى جونىندەگى ۇلتتىق ورتالىقتىڭ شتاتى 51 بىرلىككە دەيىن ۇلعايادى.

«زاڭ جوباسىمەن اىجك-ءنى ۋاكىلدىڭ سوتقا تالاپ-ارىز بەرۋ قۇقىعى تۋرالى جاڭا باپپەن تولىقتىرۋ ۇسىنىلادى. وسىعان بايلانىستى بىزدە بىرنەشە پراكتيكالىق سۇراقتار بار. بىرىنشىدەن، ادام قۇقىقتارى جونىندەگى ۇلتتىق ورتالىققا قوسىمشا شتات پەن قارجى قاجەت پە؟ ەكىنشىدەن، ءسىز بۇل جۇمىسقا زاڭگەرلەر مەن زاڭ كەڭەسشىلەرىن تارتۋدى جوسپارلاپ وتىرسىز با؟ ۇشىنشىدەن، شاعىمداردى قاراۋدىڭ جالپىلانعان ناتيجەلەرىنىڭ ىشىنەن قازاقستانداعى ادام قۇقىقتارى جونىندەگى ۋاكىلدىڭ اتىنان سوتقا تالاپ-ارىزداردى بەرۋ قانداي پرينتسيپتەر بويىنشا قالىپتاسادى؟»، دەپ سۇرادى ول قازاقستانداعى ادام قۇقىقتارى جونىندەگى ۋاكىلى ەلۆيرا ءازىموۆادان.

بۇعان جاۋاپ رەتىندە ءازىموۆا شتاتتى ۇلعايتۋعا ناقتى قاراجات بولىنگەنىن ايتتى.

«شىنىندا دا، نەگىزگى زاڭ جوباسى جانە وزگەرىستەر ەنگىزۋدى كوزدەيتىن ءۇش ىلەسپە زاڭ جوباسى قىمباتقا تۇسەدى. سونىمەن قاتار نەگىزگى زاڭ جوباسىندا، وزدەرىڭىز بىلەتىندەي، بارلىق وڭىرلەردە 17 وكىلدىك قاراستىرىلعان. ارينە، بۇنىڭ بارلىعى شىعىنداردى تالاپ ەتەدى. سوندىقتان ۇكىمەت پەن رەسپۋبليكالىق بيۋدجەت كوميسسياسى 2 ملرد 398 ملن تەڭگە كولەمىندەگى قوسىمشا شىعىنداردى قولدادى»، دەپ ءتۇسىندىردى ول.

زاڭگەرلەر مەن كونسۋلتانتتاردى تارتۋعا قاتىستى ساۋالعا ول ادام قۇقىقتارى جونىندەگى ۋاكىلدىڭ جۇمىسىن ادام قۇقىقتارى جونىندەگى ۇلتتىق ورتالىق قامتاماسىز ەتەتىنىن ايتىپ ءوتتى. ول ءۇشىن وكىلدىكتەر مەن وكىلدەر بار.

«ەڭ الدىمەن، ورتالىقپەن بىرگە جۇمىستىڭ ءوزىن تىكەلەي قامتاماسىز ەتۋ - ءبىزدىڭ مىندەتىمىز. شتاتتا زاڭگەرلەر دە بولادى، بىراق كاسىبي قورعاۋشىلار مەن ءبىزدىڭ اراسىندا ايىرماشىلىق بار ەكەنىن ايتقىم كەلەدى، سوندىقتان قانداي دا ءبىر ماسەلەلەر بويىنشا ءبىز ولارعا، سونىڭ ىشىندە ساراپتامالىق كەڭەس كونتەكسىندە جۇگىنەتىن بولامىز. مۇنداي كونسۋلتاتيۆتىك-كەڭەسشى ورگاندار بار. ساراپتامالىق كەڭەستىڭ قۇرامىنا زاڭگەر عالىمدار، ادۆوكاتتار مەن زاڭ كەڭەسشىلەرى، ازاماتتىق قوعام وكىلدەرى كىرەدى. وسى تۇرعىدا ءبىز ولاردان قولداۋ كۇتەمىز. بۇگىندە بىزدە بۇۇدب فورماتىندا وسىنداي قولداۋ بار»، دەپ ناقتىلادى ءازىموۆا.

ءۇشىنشى ماسەلە بويىنشا - تالاپ-ارىزداردى قالىپتاستىرۋعا قاتىستى ۋاكىل ءبىرىنشى كەزەكتە كونستيتۋتسيالىق كەڭەستىڭ 2021 جىلعى ماۋسىمدا پارلامەنت قابىرعاسىندا وعان سوتتار ارقىلى كونستيتۋتسيالىق كەڭەسكە جۇگىنۋ قۇقىعىن بەرۋ ارقىلى ۋاكىل ينستيتۋتىن نىعايتۋ قاجەتتىگى تۋرالى ايتىلعان جولداۋىنان تۋىندايتىنىن اتاپ ءوتتى.

«ياعني، وسىلايشا تالاپ-ارىزداردى قالىپتاستىرۋ ازاماتتاردىڭ كونستيتۋتسيامەن كەپىلدىك بەرىلگەن نەگىزگى قۇقىقتارى مەن بوستاندىقتارىنا بايلانىستى قابىلدانعان جانە قولدانىستاعى نورماتيۆتىك-قۇقىقتىق اكتىلەردىڭ كونستيتۋتسيالىق ەرەجەلەرگە سايكەس كەلمەۋى تۋرالى ءسوز بولعان جاعدايلارمەن بايلانىستى بولادى»، دەپ تۇيىندەدى ول.

سوڭعى جاڭالىقتار

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار