170 مەملەكەتتەگى ايەلدەردىڭ جاعدايى باعالاناتىن جاھاندىق رەيتينگتە قىرعىزستان رەسپۋبليكاسى 97-ءشى ورىندا بولدى. ءتىزىمنىڭ تومەنگى جاعىندا اۋعانستان, سيريا, يەمەن, پاكىستان, يراك جانە باسقالار بار. فينليانديا, نورۆەگيا, دانيا جانە ليۋكسەمبۋرگ ايەلدەر ءۇشىن ەڭ قاۋىپسىز ەل بولدى.
WPS يندەكسىن دجوردجتاۋن ايەلدەر, بەيبىتشىلىك جانە قاۋىپسىزدىك ينستيتۋتى جانە PRIO گەندەرلىك, بەيبىتشىلىك جانە قاۋىپسىزدىك ورتالىعى نورۆەگيا سىرتقى ىستەر مينيسترلىگىنىڭ قولداۋىمەن جاريالايدى.
2021 جىلدىڭ باسىنان باستاپ قىرعىزستاندا تۇرمىستىق زورلىق-زومبىلىق سالدارىنان ايەلدەر ءولىمىنىڭ بىرنەشە جاعدايى تىركەلدى. 2020 جىلى 21 ايەل اتالعان جاعدايلاردىڭ قۇربانى بولدى.
قىرعىزستان باس پروكۋراتۋراسىنىڭ مالىمەتىنشە, 2019 جىلى وتباسىلىق زورلىق-زومبىلىقتىڭ 6 مىڭ 145 فاكتىسى تىركەلگەن, 90% جاعدايدا ايەلدەر قۇربان بولادى. 2020 جىلى كارانتين كەزىندە كوروناۆيرۋستىق ينفەكتسيانىڭ تارالۋىنا بايلانىستى وتباسىلىق زورلىق-زومبىلىق فاكتىلەرى 62%-عا ارتتى.
