قوعام • 27 قازان، 2021

زەينەتاقى جيناقتارىندا 13 ترلن تەڭگە بار

66 رەت كورسەتىلدى

وسى جىلدىڭ 1-قازانىنداعى جاعداي بويىنشا بىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 13،1 ترلن تەڭگەدەن استام زەينەتاقى جيناعى بار. تۋرا ءبىر جىلدىڭ ىشىندە، ياعني 2020 جىلدىڭ 1 قازانىنان 2021 جىلدىڭ 1 قازانىنا دەيىنگى ارالىقتا زەينەتاقى جيناقتارىنىڭ سوماسى 569،5 ملرد تەڭگەگە نەمەسە 5 پايىزعا وسكەن.

زەينەتاقى جيناقتارىنىڭ نەگىزگى سوماسى مىندەتتى زەي­نەت­اقى جارنالارى ەسەبى­نەن جيناقتالعان. ونىڭ مول­شەرى – 12،7 ترلن تەڭگە. سوڭ­عى 12 ايداعى ءوسىم 4 پايىزعا تەڭ. مىن­دەتتى كاسىپتىك زەينەت­اقى جارنالارى بويىنشا جي­ناقتالعان زەينەتاقى جيناقتارىنىڭ سوماسى 349،5 ملرد تەڭگەنى قۇرادى. ءوسىم – 16 پايىز. ال ەرىكتى زەينەتاقى جارنالارى بويىنشا 1،6 ملرد تەڭگە جيناقتالعان.

وسى جىلدىڭ توعىز ايىندا بجزق سالىمشىلارى وت­كەن جىلدىڭ سايكەس كەزەڭىمەن سا­لىس­تىرعاندا الدەقايدا كوبى­رەك قاراجات سالعان. 1 قازان­داعى جاعداي بويىنشا سالىم­شىلاردىڭ شوتتارىنا جالپى كولەمى 1،2 ترلن تەڭگە زەينەتاقى جارناسى تۇسكەن. بۇل – 2020 جىل­دىڭ سايكەس كەزەڭىندەگى كور­سەتكىشتەن 439،5 ملرد تەڭ­گەگە نەمەسە 57 پايىزعا ارتىق. جارنالاردىڭ جالپى كو­لەمى­نىڭ 95،7 پايىزىن بجزق-عا اۋدارىلعان مىندەتتى زەينەتاقى جارنالارىنىڭ ءتۇسىمى قۇراعان. ول 917،4 ملرد تەڭگەگە تەڭ. سوڭعى 12 ايداعى ءوسىم – 24 پا­يىز. مىندەتتى كاسىپتىك زەي­نەتاقى جارنالارى بويىنشا 41،2 ملرد تەڭگە ء(وسىم 17 پايىز)، ەرىكتى زەينەتاقى جارنالارى بويىنشا 496 ملن تەڭگە ء(وسىم 41 پايىز) اۋدارىلدى.

سالىمشىلاردىڭ جارنالارىنان بولەك، زەينەتاقى جيناقتارىنىڭ ايتارلىقتاي وسۋىنە ەسەپتىك كەزەڭدە ەسەپتەلگەن 1 ترلن تەڭگە كولەمىندەگى تازا ينۆەستيتسيالىق تابىس تا اسەر ەتكەن. بۇل كورسەتكىش تە وتكەن جىلدىڭ سايكەس كەزەڭىنەن اسىپ تۇسكەن. ياعني 1 پايىزعا  نەمەسە 7 ملرد تەڭگەگە ارتىق. ۇلتتىق بانكتىڭ باسقارۋىمەن بجزق زەينەتاقى اكتيۆتەرى بو­يىنشا كىرىستىلىك جىل باسىنان بەرى 8،89 پايىزدى، ال ينفلياتسيا 6،2 پايىزدى قۇرادى. بۇل رەتتە سوڭعى 12 ايداعى كىرىستىلىك10،08 پايىزعا، وسى كەزەڭدەگى ينفلياتسيا 8،9 پايىزعا تەڭ. 

بجزق-داعى جەكە زەينەتاقى شوتتارىنىڭ سانى 2021 جىلعى 1 قازانداعى جاعداي بويىنشا 11،7 ملن بىرلىككە جەت­تى. شوت­تاردىڭ كوبى مىندەت­تى زەينەتاقى جارنالارى بو­يىنشا اشىلعان – 10 909 456 بىرلىك. ودان كەيىن­گى ورىن­­دا مىن­دەتتى كاسىپتىك زەي­نەت­­اقى جارنالارى ەسەبىنەن قا­­لىپ­­­تاسقان شوتتار تۇر – 534 067 بىر­لىك. بجزق-داعى ەرىك­تى زەي­نەت­اقى جارنالارى ەسەبىنەن قالىپتاسقان شوتتار سانى قازىر 54 013 بىرلىككە تەڭ.

جىل باسىنان بەرى بجزق سالىمشىلارىنا شامامەن 2،1 ترلن تەڭگە تولەنگەن. تولەمدەردىڭ باسىم بولىگىن بىرجولعى زەينەتاقى تولەمدەرى قۇرادى – 1،9 ترلن تەڭگە. ودان كەيىنگى ورىندا جاسى بويىنشا زەينەتكەرلىككە شىققاندارعا اۋدارىلاتىن تولەمدەر جاي­عاسقان – 71،6 ملرد تەڭگە.

سونداي-اق ساقتاندىرۋ ۇيىم­­دارىنا اۋدارىلعان اۋدارىم­دار شامامەن 47،6 ملرد تەڭگەنى، مۇراگەرلىك تولەم­دەرى 43،3 ملرد تەڭگەنى، قازاق­ستان شەگىنەن تىس جەرگە تۇراقتى تۇرۋعا كەتكەندەرگە بەرىلەتىن تولەمدەر 29،1 ملرد تەڭگەنى، جەرلەۋگە جۇمسالاتىن تولەمدەر 4 ملرد تەڭگەنى جانە مۇگەدەكتىك بويىنشا تولەمدەر 1،6 ملرد تەڭگەنى قۇراعان.

كەستە بويىنشا اي سايىنعى ورتاشا تولەم سوماسى (زەينەت جاسىنا تولۋىنا بايلانىستى) – 28 525  تەڭگە، ال ەڭ جوعارى سوما – 673 643 تەڭگە.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار