وبليگاتسيا ورنالاستىرىلعاننان كەيىن قور كۋپون بويىنشا ەڭ تومەنگى مولشەرلەمەگە, سونداي-اق اقش دوللارىمەن ەسەپتەگەندە, تمد ەلدەرى اراسىنداعى ەميتەنتتەردىڭ شىعارىلىمى اراسىندا تاۋەلسىز ەۋرووبليگاتسيالارعا شاققانداعى ەڭ تار سپرەدكە قول جەتكىزىپ وتىر. شىعارىلىمنىڭ باعاسى «سامۇرىق-قازىنا» كومانداسى 18-20 قازان ارالىعىندا حالىقارالىق ينۆەستورلاردىڭ قاتىسۋىمەن بەينە-كونفەرەنتسيا فورماتىندا ۇيىمداستىرعان روۋد-شوۋدان كەيىن قالىپتاسقان.
قوردىڭ ءباسپاسوز قىزمەتى تاراتقان اقپاراتقا سۇيەنسەك, وتىنىمدەر كىتابى (book-building) ەندى قالىپتاسىپ جاتقان كەزدە وبليگاتسيالارعا دەگەن جالپى سۇرانىس باستاپقى ۇسىنىستاردان ءۇش ەسەگە جۋىق ارتىق بولعان. سونىڭ ناتيجەسىندە, مامىلەنىڭ سوڭعى دياپازونى 2,3% +/- 5 بازيستىك تارماققا (WPIR) دەيىن تومەندەپ, مامىلە 2,25% (reoffer yeild) دەڭگەيىندەگى تابىسپەن اياقتالعان.
وتىنىمدەردىڭ سوڭعى تىزىمىنە الەمدەگى ەڭ وزىق ينۆەستورلار ەنگەن, ولاردىڭ اراسىندا اقش, ەۋروپا, ۇلىبريتانيانىڭ ءىرى قورلارى مەن اكتيۆتەردى باسقارۋ كومپانيالارى بار. جالپى, «سامۇرىق-قازىنانىڭ» وسى شىعارىلىمىنا 70 حالىقارالىق ينۆەستور قاتىسقانىن ايتا كەتۋ كەرەك.
وبليگاتسيالار نارىعىن قولداپ, دامىتۋ ماقساتىندا جانە ەل ىشىندە ەۋرووبليگاتسيالار بويىنشا تابىستى ساقتاپ قالۋ ءۇشىن اللوكاتسيا كەزىندە ساۋدا-ساتتىققا قازاقستاندىق KASE جانە AIX بيرجالارى ارقىلى قاتىسقان قازاقستان ينۆەستورلارىنا باسىمدىق بەرىلگەنى حابارلانىپ وتىر. بۇل ساتىلىم سونداي-اق LSE, ياعني, لوندون قور بيرجاسىنىڭ تىزىمىنە ەنەدى دەپ بولجانىپ وتىر.
ايتا كەتەيىك, مامىلەنى قازاقستاندىق مەنەدجەر كومپانيالار First Heartland Securities اق مەن «فريدوم فينانس» اق-مەن بىرلەسە وتىرىپ, بىرلەسكەن جەتەكشى مەنەدجەرلەر مەن بۋكراننەرلەر رەتىندە جۇمىس ىستەيتىن Citi, MUFG, UBS جانە VTB Capital اتتى حالىقارالىق بانكتەر ۇيىمداستىردى.
