بيزنەس • 27 قازان، 2021

پاندەميا شاعىن بيزنەسكە قالاي اسەر ەتتى؟

84 رەت كورسەتىلدى

ارنايى زەرتتەۋ قورىتىندىسى بويىنشا COVID-19 پاندەمياسىنان تۋىنداعان داعدارىس ەڭ جوعارعى مانىنە جەتكەن كەزدە شاعىن جانە ورتا بيزنەس كومپانيالارىنداعى ساتىلىم دەڭگەيىنىڭ ءىرى كومپانيالاردان 20 پايىزعا قالىپ قويعانى انىقتالعان.

ەكونوميكالىق زەرتتەۋدى Mas­ter­card حالىقارالىق ترانسۇلت­تىق كورپوراتسياسى الەمنىڭ 19 ەلىندە جۇرگىزگەن. زەرتتەۋگە سۇيەنسەك، 2021 جىلى قايتادان سا­تىپ الۋشىلاردىڭ شىعىندارى قا­لىپقا كەلە باستاعان. بيىل تا­مى­زدا شاعىن جانە ورتا بيزنەس كوم­پانيالارىنىڭ ساتىلىم نا­تيجەسى الەم بويىنشا 4،5 پا­يىز­عا (بىلتىرعى تامىزبەن سالىس­تىر­عاندا) وسكەن. ال ەلەكتروندى كوم­مەرتسيا سالاسىنداعى ساتىپ الۋلار 31،4 پايىزعا ارتقان.

كومپانيا ءوزىنىڭ Recovery Insights: Small Business Reset دەپ اتا­لاتىن زەرتتەۋىندە نەگىزگى بىر­نەشە تەندەنتسيالاردى ءبولىپ شىعارادى:

كاسىپورىنداردىڭ جابىلۋى. پاندەميا باستالعان ساتتە ەكونو­ميكالىق قيىندىققا ۇشى­راپ ەسىگى تارس جابىلعان شاعىن كاسىپ­ورىن­داردىڭ ۇزاق مەرزىمدى پەرس­پەكتيۆادا اشىلماۋى – ءىرى كومپانيالارعا قاراعاندا ءۇش ەسە كوپ كەزدەسەتىن بولىپ شىقتى. شاعىن كاسىپورىنداردىڭ ءاربىر ءۇشىنشىسى 2020 جىلدىڭ ءساۋىر ايىندا جابىلعان سوڭ جارتى جىلدان كەيىن دە جابىق كۇيىندە قالا بەرگەن. ارينە ءار ەلدەگى احۋال ءار الۋان. ماسەلەن، اقش-تا ءاربىر ءتورتىنشى شاعىن جانە ءاربىر ون ەكىنشى ءىرى ريتەيلەر جارتى جىلعا ۋاقىت جۇمىس ىستەمەي قالعان.

ورنالاسۋى. ورتالىق ىسكەر­لىك اۋداندارداعى شاعىن جانە ورتا بيزنەس سەگمەنتىندەگى پايدا­لانۋ­شىلىق شىعىندار 2019 جىلمەن سالىستىرعاندا 33 پايىزعا تومەن­دەگەن. سول ۋاقىتتا قالا شەتىندەگى ورتاشا دەڭگەيلى دۇكەندەردەگى ساتىلىم كولەمى 8 پايىزعا ارتقان. ادامداردىڭ ساياحاتتاۋدى ازايتىپ، كوپ ۋاقىتىن ۇيدە وتكىزۋى ورتالىق ءىرى كۆارتالدارداعى شاعىن كاسىپورىنداردى تىعىرىققا تىرەي بەرمەك. ولاردىڭ تابىسى ءسات ساناپ تومەندەيدى.

ەلەكتروندى كوممەرتسيا. جاپپاي جابىلىپ جاتقان كاسىپ­ورىن­دار سانىنىڭ كوبەيۋىنە باي­لا­­نىستى بيزنەس نىساندارى اي سا­يىن ونلاين رەجىمگە بەلسەندى تۇردە اۋىسا باستاعان. پاندەمياعا دە­يىنگى كەزەڭمەن سالىستىرعاندا جۇ­مىس فورماتىن ونلاينعا اۋىس­تىرۋ ءۇش ەسە ارتتى. ەڭ ماكسيمۋم دەڭگەيى 2020 جىلدىڭ شىلدە ايىن­­دا تىركەلگەن. قازىرگى كەزدە قازاق­ستاندا عانا ەمەس، بۇكىل الەمدە تسيفر­لاندىرۋدىڭ ەرەكشە قارقىن­مەن ءجۇرۋى بايقالىپ جاتىر.

«تسيفرلى ەكونوميكادا ءۇش قۋاتتى ۇدەرىس ءجۇرىپ جاتىر: رەال­دى ۋاقىتتاعى تولەم، اشىق بان­كينگ جانە جاساندى ينتەللەكت. بۇلاردىڭ ءبىر-بىرىمەن سەلبەسە قا­تى­ناسۋى شاعىن جانە ورتا كاسىپ­ك­ەرلىك ءۇشىن جاڭا مۇمكىن­دىكتەر اشادى. بۇكىل الەمدە تۇتىنۋ­شىلار 2020 جىلى ونلاين-ساۋداعا 900 ملرد دوللار جۇمسادى» دەلىن­گەن زەرتتەۋدە.

كاسىپكەرلىك. 2019 جىلمەن سالىس­تىرعاندا 2020 جىلى بول­شەك ساۋداداعى شاعىن جانە ورتا كاسىپكەرلىك نىساندارى الدە­قاي­دا كوبەيىپ، بۇل تۇرعىدا اشى­­لىپ جاتقان ءىرى كومپانيا­لار سا­نى­نان 8 ەسە ارتىپ كەتكەن. بىل­تىر كوپتەگەن ەلدەردە شا­عىن جانە ورتا بيزنەس سانىنىڭ ءوسىمى اي­تار­لىقتاي بايقالدى: رەسەيدە ونداي كاسىپورىندار 10 پايىزعا كوبەيسە، اقش-تا – 86، اۋستراليادا – 73، گەرمانيادا – 62، ال برازيليادا 35 پايىزعا كوبەيگەن.

مەيرامحانالار جانە تۇرعىن ءۇي. 2020 جانە 2021 جىلدارداعى جاز ماۋسىمدارىندا شاعىن قوناق­­ۇيلەر تابىس دەڭگەيى بو­يىن­شا ءىرى وتەلدەردى باسىپ وزعان. مۇنداي ءۇردىس­تىڭ پايدا بولۋى – پان­دەميا­عا بايلانىستى ادام­داردىڭ ءوز ەلى نە­مەسە ءوز ءوڭىرى اۋماعىندا عانا سايا­­­حات­ت­اۋىمەن بايلانىستى. ياعني ۇل­­­­كەن قالالارداعى اتاعى جەر جار­­­عان وتەلدەر كليەنتسىز قالعان. مەي­­رام­حانا بيزنەسى سەگمەنتىندە شاعىن مە­كەمەلەر تابىس بو­يىنشا ءىرى ورتا­لىق­تاردان 17 پايىزعا ارتقا قالدى.

«بۇكىل پاندەميا ۋاقىتىندا جەر­گىلىكتى كاسىپورىنداردى قول­داۋ ءبارىن بىرىكتىرەتىن فاكتورعا اينال­دى. الايدا شاعىن بيزنەس جەر­گىلىكتى نارىققا، جەتكىزۋ تىز­بە­گى­نە تاۋەلدىلىك جانە قار­جى قوز­عا­لىسىنىڭ شەكتەلۋى جاعدا­يىن­­دا قيىندىقپەن بەتپە-بەت كەل­دى. سوعان قاراماستان ءبىزدى جاڭا مۇم­كىندىكتەر كۇتىپ تۇر. پان­دە­ميا كەزىندە نارىقتىڭ جاپ­پاي تسيفرلانۋى، ونلاين فور­مات­قا اۋىسۋى ۇلكەن ءۇمىت سىي­لا­دى – كا­سىپ­كەرلىكتى دامىتۋ مەن ينن­و­ۆ­اتسيالاردى ەنگىزۋ پروتسەسى جىلدامدادى»، دەيدى كومپانيانىڭ باس ەكونوميسى بريكلين دۋايەر.

سوڭعى جاڭالىقتار

ۇقساس جاڭالىقتار