ساياسات • 26 قازان، 2021

پرەزيدەنتتىك جاستار كادر رەزەرۆىنە ىرىكتەۋدىڭ ءتورتىنشى كەزەڭى باستالدى

100 رەت كورسەتىلدى

قازاقستان رەسپۋبليكاسى مەملەكەتتىك قىزمەت ىستەرى اگەنتتىگى پرەزيدەنتتىك جاستار كادر رەزەرۆىنە ىرىكتەۋدىڭ قۇزىرەتتەردى باعالاۋ كەزەڭىنىڭ باستالعاندىعىن جاريالادى، اتالعان كەزەڭ وسى جىلدىڭ 25 قازانىنان باستاپ 28 قاراشاعا دەيىن وتەدى، دەپ حابارلايدى Egemen.kz. قر مەملەكەتتىك قىزمەت ىستەرى اگەنتتىگىنىڭ ءباسپاسوز قىزمەتىنە سىلتەمە جاساپ.

بۇل كەزەڭ اسسەسسمەنت-ورتالىق جانە قۇزىرەتتەر بويىنشا سۇحبات اتتى 2 بلوكتان تۇرادى. 

وتكەن كەزەڭنىڭ قورىتىندىسى بويىنشا 235 ۇمىتكەر وسى ءتورتىنشى كەزەڭگە ءوتتى.

اسسەسسمەنت-ورتالىق وففلاين فورماتتا وتەدى. ول مىنەز-ق ۇلىق كورسەتكىشتەرىنىڭ جيىنتىعى ارقىلى ۇمىتكەرلەردىڭ بەلگىلى ءبىر قۇزىرەتتەرىن انىقتاۋعا جانە باعالاۋعا باعىتتالعان. 

ۇمىتكەرلەر ءۇشىن اسسەسسمەنت-ورتالىق 25-30 قازان ارالىعىندا وففلاين فورماتتا وتەدى، سودان كەيىن 1-15 قاراشا ارالىعىندا ساراپشىلار بارلىق ماتەريالداردى وڭدەپ، جەكە ەسەپتەر دايىندايدى.

اسسەسسمەنت-ورتالىق مىنەز-ق ۇلىق ينديكاتورلارىنىڭ جيىنتىعى ارقىلى ۇمىتكەرلەردىڭ ستراتەگيالىق ويلاۋ، پرواكتيۆتىلىك، قىزمەتتى باسقارۋ، كوماندالىق كوشباسشىلىق، سەندىرە ءبىلۋ سياقتى قۇزىرەتتەرىن انىقتاۋعا جانە باعالاۋعا باعىتتالعان.

قۇزىرەتتەردى باعالاۋدىڭ وسى بلوگى توپتىق جانە جەكە تاپسىرمالاردان تۇرادى، پروتسەسس بارىسىندا ۇمىتكەرلەردىڭ مىنەز-قۇلقىن سەرتيفيكاتتارعا يە ساراپشى-باعالاۋشىلار – اسەسسورلار باقىلايدى.

اتالعان تاپسىرمالاردىڭ ارقايسىسىندا ۇمىتكەرلەرگە قاتاڭ شەكتەۋلى ۋاقىت ىشىندە ارنايى بۋكلەتتەگى اقپاراتتىق ماتەريالداردى تالداۋ نەگىزىندە وزەكتى وڭىرلىك پروبلەمانىڭ شەشىمىن ۇسىنۋ قاجەت بولادى.

اسسەسسمەنت-ورتالىقتىڭ بارلىق راسىمدەرىن مەملەكەتتىك باسقارۋ اكادەمياسىنىڭ سەرتيفيكاتتارىنا يە ساراپشى-باعالاۋشىلار توبى جۇرگىزەدى.

اسسەسسمەنت-ورتالىقتىڭ قورىتىندىسى بويىنشا كەلەسى باعالاۋ كەزەڭى – قۇزىرەتتەر بويىنشا سۇحباتقا ەڭ جاقسى ناتيجە كورسەتكەن 125-تەن اسپايتىن ۇمىتكەر جىبەرىلەدى.

قۇزىرەتتەر بويىنشا سۇحبات 20-28 قاراشا ارالىعىندا كاسىبي HR-مەنەدجەرلەردىڭ قاتىسۋىمەن ونلاين فورماتتا جۇرگىزىلەتىن بولادى.

پجكر جوباسى اياسىندا سۇحبات بارىسىندا ۇمىتكەرلەردىڭ ىشكى ىنتا-جىگەرىنىڭ دەڭگەيى مەن ولاردىڭ قۇندىلىق باعدارلارىن ايقىندايتىن قۇزىرەتتەر تۋرالى بارىنشا وبەكتيۆتى تۇسىنىك الۋعا مۇمكىندىك بەرەتىن سۇراقتار قويىلادى.

سۇحبات ناتيجەلەرى بويىنشا ىرىكتەۋدىڭ كەلەسى كەزەڭى – ساراپشىلىق كوميسسيادا اڭگىمەلەسۋگە ەڭ جاقسى ناتيجە كورسەتكەن 100-گە جۋىق ۇمىتكەر جىبەرىلەدى.  

ىرىكتەۋ قورىتىندىسى بويىنشا رەزەرۆكە 50 ۇمىتكەر الىنادى.               

پرەزيدەنتتىك جاستار كادر رەزەرۆىنىڭ ماقساتى – قوعامدىق جانە مەملەكەتتىك مۇددەلەردى باسشىلىققا الاتىن جاس تالانتتاردى انىقتاۋ.    

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار