ورالدا سپورت باسقارماسىنىڭ بۇرىنعى باسشىسىنا ۇكىم شىقتى

باتىس قازاقستان وبلىسىندا سپورت سالاسى شەنەۋنىكتەرىنە قاتىستى قىلمىستىق ىسكە نۇكتە قويىلدى. بۇل تۋرالى «استانا» تەلەارناسى حابارلادى. وبلىستىق سپورت باسقارماسىنىڭ بۇرىنعى باسشىسى ءمۇسىلىم وڭداعانوۆقا  «ءىرى كولەمدەگى مەملەكەت قارجىسىن جىلدار بويى جىمقىردى» دەگەن ايىپ تاعىلعان بولاتىن. ونىڭ وسى قىلمىسىنا قاتىستى باتىس قازاقستان وبلىسى مامانداندىرىلعان اۋدانارالىق قىلمىستىق سوتىنىڭ سۋدياسى اقگۇل قاراساەۆانىڭ ورىس تىلىندە شىعارعان ۇكىمىن سول قالپىندا بەرگەندى ءجون سانادىق:«ۋنداگانوۆا مۋسليما پريزنات ۆينوۆنىم پو ستاتيام 275 چ.3, 176 چ.4 314 چ. 2. 193 چ. 2 پۋنكتوۆ «ا,ب,ۆ» ي نازناچيت ناكازانيە پو ستاتە 275 چاستي 3 ۋك رك ليشەنيە سۆوبودى نا سروك 12 لەت س كونفيسكاتسيەي يمۋششەستۆا». باسقارمانىڭ ەكس-باسشىسىنىڭ سىبايلاستارى دا جازاعا تارتىلدى. م.وڭداعانوۆتىڭ وڭ قولى بولعان مەڭدىحان جاكەنوۆ 11 جىلعا, ال قونىس جەتپىسوۆ پەن تۇراربەك بەكارىستانوۆ 8 جىلعا باس بوستاندىعىنان ايىرىلدى. دۇنيە-مۇلكىنەن ايرىلعان ولارعا الداعى 5 جىلدا مەملەكەتتىك قىزمەتكە الىنبايتىنى ەسكەرتىلدى. قىلمىستىق ىستە جازىلعان فاكتىگە جۇگىنسەك, ايىپتالۋشىلار «بيۋدجەتتەن بولىنگەن 170 ملن. تەڭگەنى ۇرلاعان ەكەن». ايتا كەتەيىك, كۇدىكتىلەرگە قاتىستى ۇكىم ءالى زاڭدى كۇشىنە ەنگەن جوق. بىراق, م. وڭداعانوۆقا سوتتا سوڭعى ءسوز بەرىلگەن كەزدە, سۋديادان ءوزىن عانا جازالاۋىن ءوتىندى. ونىڭ قورعاۋشىسى بولسا, جوعارعى سوتقا شاعىمدانۋعا ارەكەت جاساپ جاتىر. دەرەككوز: «استانا» تەلەارناسى. فوتو: News.ivest.kz.