«شىمكەنت قالاسىندا كارانتين رەجيمى مەن كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى شەكتەۋ شارالارىن ەپيدەميولوگيالىق جاعداي تۇراقتالعانعا دەيىن ۇزارتۋ قاجەت», دەلىنگەن قۇجاتتا.
اتاپ ايتقاندا, Ashyq جوباسىنا قاتىساتىن وبەكتىلەردە «جاسىل» مارتەبەسى بولعان جاعدايدا ءىس-شارانى وتكىزۋدى قوسپاعاندا, ادامداردىڭ جاپپاي جينالۋىنا بايلانىستى ءىس-شارالاردى (تۋعان كۇندەر, مەرەيتويلار, شىعارىپ سالۋ, توي جانە ت.ب.) وتكىزۋگە تىيىم سالىنادى.
65 جاستان اسقان ادامداردىڭ قالا بويىنشا ءجۇرىپ-تۇرۋى شەكتەلەدى.
قوعامدىق ورىندارعا, ونىڭ ىشىندە اشىق اۋادا بولعان كەزدە بەتپەردە كيۋ, الەۋمەتتىك قاشىقتىقتى ساقتاۋ جانە انتيسەپتيكتەردى قولدانۋ تاعايىندالادى.
قوعامدىق تاماقتانۋ وبەكتىلەرىندە كاليانداردى پايدالانۋعا تىيىم سالىنادى.
سونىمەن قاتار, Ashyq جوباسىنا قاتىساتىن بيزنەس نىساندارىنىڭ دەمالىس كۇندەرى 3 ساعاتقا دەيىن, جوبا كوشباسشىلارىنىڭ تاڭعى 5-كە دەيىن جۇمىس ىستەۋىنە رۇقسات ەتىلەدى.
سونداي-اق قىزمەتكەرلەر مەن كەلۋشىلەردە Ashyq-تىڭ «جاسىل» مارتەبەسى بولعان جاعدايدا وبەكتىلەردىڭ دەمالىس كۇندەرى جۇمىس ىستەۋىنە بولادى. بۇل تالاپتار وبلىسارالىق جانە وبلىسىشىلىك تۇراقتى تاسىمالدارعا, قوناقۇيلەرگە, اۋەجايلارعا, ۆوكزالدارعا, ءبىلىم بەرۋ وبەكتىلەرى مەن جاتاقحانالارعا قولدانىلمايدى.
