وقيعا • 26 قازان، 2021

پاۆلودار وبلىسىندا جوعالعان اعايىندىلاردىڭ ءبىرىنىڭ ءمايىتى تابىلدى

124 رەت كورسەتىلدى

25 قازان كۇنى كەشكى مەزگىلدە پاۆلودار وبلىسىنداعى اقجول اۋىلى ماڭىنان 20 شاقىرىم جەردە 1967 جىلى تۋعان ادامنىڭ دەنەسى تابىلعان، دەپ حابارلايدى Egemen.kz رavlodarnews.kz-كە سىلتەمە جاساپ.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە،  اتالمىش فاكتىگە قاتىستى سوت-مەديتسينالىق ساراپتاما تاعايىندالعان. ساراپتاما قورىتىندىسىنا  سايكەس ءولىمنىڭ الدىن-الا سەبەبى  «اعزاعا سۋىقتىڭ ءوتىپ كەتۋى» بولۋى مۇمكىن.

«19 قازان كۇنى اقسۋ قالاسىنىڭ پوليتسياسىنا ەكىباستۇز قالاسىنىڭ تۇرعىنى ءوزىنىڭ ەكى اعاسىنىڭ حابار-وشارسىز جوعالىپ كەتۋ فاكتىسى بويىنشا ارىز بەرگەن. 1967 جانە 1985 جىلى تۋعان اعايىندىلار 5 قازان كۇنى ساعات 17.00 شاماسىندا اقجول اۋىلىنىڭ ماڭىندا ورنالاسقان شارۋا قوجالىعىنىڭ بىرىنە تيەسىلى جايىلىمدىق جەردەن كەتكەنى جانە وسى ۋاقىتقا دەيىن ولاردىڭ ورنالاسقان جەرى بەلگىسىز ەكەنى انىقتالدى. اتالعان فاكتى بويىنشا پوليتسيانىڭ جانە شەكارا ماڭىنداعى وڭىرلەردىڭ بارلىق جەكە قۇرامى دەرەۋ باعدارلاندى. حابار-وشارسىز كەتكەن ادامداردىڭ ورنالاسقان جەرىن انىقتاۋ ماقساتىندا جەدەل ىزدەستىرۋ توبى قۇرىلدى. ىزدەستىرۋ ەرىكتىلەرمەن بىرگە جۇرگىزىلدى»، دەدى دەپارتامەنتتە.


ارىز بەرۋشىنىڭ 1985 جىلى تۋعان ەكىنشى اعاسىن ىزدەستىرۋ ءىس-شارالارى جالعاسۋدا.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار