ايماقتار • 26 قازان، 2021

پارا العان سقو دەنساۋلىق ساقتاۋ باسقارماسىنىڭ باسشىسى سوتتالدى

37 رەت كورسەتىلدى

پەتروپاۆل قالالىق سوتىندا سولتۇستىك قازاقستان وبلىسى دەنساۋلىق ساقتاۋ باسقارماسىنىڭ باسشىسى قابدراحمان ساقتاعانوۆقا قاتىستى ۇكىم شىعارىلدى، دەپ حابارلايدى Egemen.kz.

وبلىستىق دەنساۋلىق ساقتاۋ باسقارماسىنىڭ باسشىسى «دەنساۋلىق» جەكە كوممەرتسيالىق ەمەس مەكەمەسىنىڭ ديرەكتورى ايناگۇل قاراباەۆادان 200 مىڭ تەڭگە كولەمىندە پارا الدى دەگەن كۇدىككە ءىلىندى.

ءىس ماتەريالدارىنان قاراباەۆانىڭ ساقتاعانوۆقا 200 مىڭ تەڭگە بەرگەنى بەلگىلى بولدى. اقشا وبلىستىق دەنساۋلىق ساقتاۋ باسقارماسىنىڭ باسشىسى ۋاكىلەتتى جانە اتقارۋشى ورگانداردى جەكە مەديتسينالىق مەكەمەگە جۇمىس ىستەۋگە كەلگەن جاس ماماندارعا كوتەرمە اقى تولەۋگە كوندىرۋ ءۇشىن ارنالعان.

ءىس جەڭىلدەتىلگەن رەجيمدە قارالدى، سەبەبى سوتتالۋشىلار ءوز كىناسىن مويىنداپ، ءىس جۇرگىزۋ كەلىسىمىن جاسادى.

سوت قابدراحمان ساقتاعانوۆقا پارا سوماسىنان 30 ەسە مولشەردە - 5،8 ميلليون تەڭگە ايىپپۇل تۇرىندە جازا تاعايىندادى. ال ايناگۇل قاراباەۆا 4 ملن تەڭگە كولەمىندە ايىپپۇل تولەۋى ءتيىس. ەكەۋى دە ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار