ايماقتار • 26 قازان، 2021

تارباعاتايلىق كوللەكتسيونەر تارتۋى

66 رەت كورسەتىلدى

قازاقستان رەسپۋبليكاسى قارۋلى كۇشتەرى اسكەري-تاريحي مۋزەيىندە «تاريحي مۇرا – ۇرپاققا امانات» اتتى كورمە ءوتىپ، ناتيجەسىندە مەكەمە قورىنداعى جادىگەرلەر سانى ءۇش ءجۇز دانا تىڭ مۇرامەن تولىقتى.

كورمە سورەسىنە – كەڭەس كەزىندەگى اسكەري كيىم ۇلگىلەرى، تۋلار، تۇرمىستىق زاتتار، مۋزىكا اسپاپتارى، سونىمەن قاتار 1941 جىلى شىعارىلعان نەمىس­تىڭ جاۋىنگەرلىك ۆەلوسيپەدى قاتارلى جادىگەرلەر قويىلسا، بۇل بۇيىمدار تۇگەلدەي دەرلىك ۇلى وتان سوعىسى جىلدارى شىعارىلعان ەكەن. اتاپ ايتار بولساق، كوپشىلىككە ۇسىنعان ەكسپوناتتار قاتارىندا: 1940-جىلى ون­دى­رىلگەن نەمىستىڭ ءارىپ تەرەتىن ماشينكاسى،  كەروسين شامى، نەمىس وفيتسەرى­نىڭ جورىق ساندىعى، ىشكى وت يميتاتورى بار «بۋرجۋيكا» پەشى، كەڭەستىك اسكەري بارابان، لاتۋن تۇتىگى، «بريانسك» تارا­زى­سى، وفيتسەردىڭ بىلعارى پلانشەتى، IRANY كومپاسى، سوعىس جىلدارىنداعى «ۆەرماحت» قۇتىسى، «اماتا» وتتىعى، قىزىل اسكەر فۋراجكاسى، پاپاحا، نەمىس كاسكاسى، وق-ءدارى فراگمەنتى، باراباندى وقساۋىت، «تا-57» ماركالى تەلەفون اپپاراتى، مەتالل قورامساق، ت.ب.

ا

پ

جوعارىداعى 300-دەن استام جادىگەر­دى اسكەري-تاريحي مۋزەيگە سىيعا تارت­قان بەلگىلى كوللەكتسيونەر بولات تاعاباي. ول كىسى بۇل دۇنيەلەردى 20 جىلدان بەرى جيناعان ەكەن. ءبىرىن سوناۋ ۆارشاۆادان الدىرسا، قالعانىن رەسەي جانە ەلىمىزدىڭ باتىس وڭىرىنەن تىرنەكتەپ تاپقان. مۇرا جيناۋشى بولات قۇنانباي ۇلى قازىر شىعىس قازاقستان وبلىسى تارباعاتاي اۋدانى اقسۋات اۋىلىندا تۇرادى. بۇعان دەيىن 35 مىڭ اسىق جيناپ 2014 جىلى حالىقارا­لىق ينتەررەكورد گيننەستەر كىتابىنا، 2017 جىلى قازاقستان گيننەس­تەر رەكوردى كىتابىنا ەسىمى تىركەلگەنى جايىنان كوپشىلىك قاۋىم حاباردار. ال بۇل رەتكى ءىسى ەرلىككە تاتىرلىق. ايت­پاقشى، كوللەكتسيونەر جوعارىداعى جا­دىگەرلەردىڭ سىرتىندا، مۋزەيگە ءوز اتىنان 5000 اسىق سىيلادى.

اتالعان شارا جايلى اسكەري-تا­ري­حي مۋزەي باسشىسى پولكوۆنيك نۇر­تازا ءاسىلوۆ: «بۇل وقيعا جاس  ۇرپاق­تىڭ بويىندا پاتريوتيزم مەن ازامات­تىق جاۋاپكەرشىلىكتى قالىپتاستىرۋ­عا،  وتانعا دەگەن سۇيىسپەنشىلىك پەن ەل تاريحىنا دەگەن قىزىعۋشىلىعىن ارتتىرۋعا، مادەنيەتىن دامىتۋعا، سونىمەن قاتار مۋزەيگە كەلۋشىلەر ءۇشىن قۇندى جادىگەرلەرمەن تانىسۋعا جاسالعان زور مۇمكىندىك» دەدى.

 

 

سوڭعى جاڭالىقتار

ۇقساس جاڭالىقتار