الەم • 25 قازان، 2021

وسك ميرزيوەۆتىڭ جەڭىسى تۋرالى اقپاراتتى جوققا شىعاردى

2057 رەت كورسەتىلدى

وزبەكستان ورتالىق سايلاۋ كوميسسياسى قازىرگى پرەزيدەنت شاۆكات ميرزيوەۆتىڭ جەكسەنبىدە وتكەن سايلاۋدا 90 پايىز داۋىس جيناعانى تۋرالى اقپاراتتى جوققا شىعاردى، دەپ حابارلايدى Egemen.kz.

بۇل تۋرالى ريا نوۆوستي مالىمدەدى.

بۇعان دەيىن Euronews تەلەارناسى ميرزيوەۆ جەكسەنبىدە وتكەن مەملەكەت باسشىسىن سايلاۋدىڭ الدىن الا قورىتىندىسى بويىنشا 90 پايىز داۋىس جيناپ، قايتا سايلانعانىن حابارلادى.

«وزبەكستان پرەزيدەنتى سايلاۋىنىڭ الدىن الا قورىتىندىلارى بەلگىلى بولدى دەگەن اقپارات تاراپ جاتىر. بۇل شىندىققا جاناسپايتىنىن حابارلاعىمىز كەلەدى»، دەدى وسك ءباسپاسوز حاتشىسى جالوليددين ۋسمانوۆ.

ونىڭ ايتۋىنشا، سايلاۋدىڭ الدىن الا قورىتىندىلارىن وسك توراعاسى زاينيددين نيزامحودجاەۆ دۇيسەنبىدە ساعات 16.00-دە (نۇر-سۇلتان ۋاقىتى بويىنشا 17.00-دە) جاريالايدى.

وسك مالىمەتتەرى بويىنشا، سايلاۋ ۋچاسكەلەرى جابىلعان كەزدە 80،8 پايىز ادام كەلگەن، ياعني 16،037 ميلليون ادام داۋىس بەرگەن. ناقتى مالىمەتتەر بويىنشا، سايلاۋدا 19،86 ميلليون سايلاۋشىنىڭ داۋىس بەرۋ قۇقىعى بولعان.

ەلدە رەسمي جۇمىس ىستەيتىن بەس پارتيانىڭ بارلىعى - ەكولوگيالىق، «ميللي تيكلانيش» «ۇلتتىق جاڭعىرۋ»، ليبەرالدىق-دەموكراتيالىق (ۋزليدەپ)، حالىقتىق-دەموكراتيالىق (ندپۋ) جانە «ادولات» (ادىلدىك) پارتيالارى ءوز كانديداتتارىن تىركەدى. ولاردىڭ اراسىندا قازىرگى پرەزيدەنت شاۆكات ميرزيەيوۆ تە بار. ساراپشىلاردىڭ پىكىرىنشە، ول - جەڭىسكە باستى ۇمىتكەرلەردىڭ ءبىرى.

وزبەكستاندا پرەزيدەنت سايلاۋى بەس جىلدا ءبىر رەت وتكىزىلەدى. 2016 جىلى 4 جەلتوقساندا كەزەكتەن تىس پرەزيدەنتتىك سايلاۋ ءوتتى، سايلاۋدا پرەمەر-مينيستر قىزمەتىن اتقارعان ميرزيوەۆ جەڭىسكە جەتتى. ەلدى 1989 جىلدان باستاپ باسقارعان پرەزيدەنت يسلام كاريموۆ 2016 جىلدىڭ 2 قىركۇيەگىندە 78 جاسىندا ينسۋلتتان قايتىس بولدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار