وقيعا • 25 قازان، 2021

ورالدا جوعالعان ايەلدىڭ ءمايىتى تابىلدى

4034 رەت كورسەتىلدى

ورالدا ءىز-ءتۇزسىز جوعالىپ كەتكەن ايەلدىڭ مۇردەسى ورماننان تابىلدى، دەپ حابارلايدى Egemen.kz.

بقو پوليتسيا دەپارتامەنتىنىڭ ءباسپاسوز قىزمەتى ءمالىم ەتكەندەي، 58 جاستاعى دينا ستانكو بيىلعى 24 تامىزدا شامامەن ساعات 17.00-دە ۇيىنەن شىعىپ كەتكەننەن ورالماعان.

ونى ىزدەستىرۋگە قالالىق پوليتسيا باسقارماسىنىڭ جەكە قۇرامى جۇمىلدىرىلدى. ورالداعى بەينەباقىلاۋ كامەرالارى قارالىپ، تۇرعىندارعا سۇراۋ سالىندى. كۋاگەرلەردىڭ سوزىنەن ايەلدىڭ جەلاەۆ كەنتى جاققا كەتكەنى بەلگىلى بولعان.

دۇكەن قىزمەتكەرى، 1967 جىلعى تۇرعىن جەلاەۆ كەنتى اۋدانىنداعى ورماننان ساڭىراۋقۇلاق جيناپ جۇرگەن كەزىندە ايەلدىڭ باس سۇيەگى مەن مۇردە قالدىقتارىن تاپتى.

پوليتسيا دەپارتامەنتىنىڭ مالىمەتىنشە، سۇيەك قالدىقتارى سوت-مەديتسينالىق ساراپتاماعا جىبەرىلدى.

ساراپتاما قورىتىندىسىنا سايكەس ءولىمنىڭ سەبەبى انىقتالادى. مارقۇمنىڭ تۋىستارى وقيعا بولعان جەردەن ايەلدىڭ كيىمدەرىن تانىدى.

سونىمەن قاتار ايەلدىڭ ءسىڭلىسى مەن ونىڭ تىستەرىن ەمدەگەن ستوماتولوگتارمەن بىرگە تىستەرى الىنىپ، زەردەلەندى.

وقيعانىڭ ءمان-جايى انىقتالىپ، تەرگەۋ جۇرگىزىلەدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار