ايماقتار • 25 قازان، 2021

وقۋشىلارعا اباي بولايىق

80 رەت كورسەتىلدى

«قىزىل ايماق» ساناتىنداعى كوكشەتاۋدا ىندەت­تىڭ ەكپىنى باسەڭدەر ەمەس. سوڭعى تاۋلىكتە 467 ادامنىڭ دەرتكە شالدىققانى انىق­تالسا، ونىڭ 66-سى – مەكتەپ وقۋ­شىسى.

وبلىس ورتالىعىنداعى 16 مەكتەپتىڭ 41 سىنىبى قاشىقتان وقىتۋعا كوشىرىلگەن. قازىر مامانداردىڭ ايتۋىنا قاراعاندا، جۇقپالى دەرتتىڭ جايىلۋى ءورشي تۇسكەن. ءسوز اراسىندا ەل شەتىنە ىندەت جەتكەلى وبلىس ورتالىعىندا عانا 13 167 ادامنىڭ ىندەتكە شالدىققانى بەلگىلى بولىپ وتىر. العاشىندا بالالار ءدىن امان بولسا، قازىر ولاردىڭ اراسىندا دا دەرتتىڭ ەتەك الۋى الاڭداتارلىق.

كوكشەتاۋ قالاسىنىڭ باس سانيتارلىق دارىگەرى قانات ىسقاقوۆتىڭ ايتۋىنا قاراعاندا، وبلىس ورتالىعىنداعى اۋرۋحانالار 83 پايىزعا تولىق. 21 ناۋقاس جان ساقتاۋ بولىمىندە جاتىر. ىندەتكە شالدىققانداردىڭ دەرەگىن ساراپتاساڭىز، بارلىق ناۋقاستىڭ 99 پايىزى – ۆاكتسينا الماعاندار. وسى ءبىر كورسەتكىشتەن-اق ۆاكتسينانىڭ قانشالىقتى قاجەت ەكەنى تۋرالى وي تۇيۋگە بولادى. جاڭا وقۋ جىلى باستالعالى 27 ءبىلىم وشاعىندا بالالاردىڭ ىندەتكە شالدىعۋىنىڭ 217 وقيعاسى تىركەلگەن. ونىڭ ىشىندە 195-ءى قالىپتى جۇمىس ىستەيتىن ءبىلىم وشاقتارىنىڭ وقۋشىلارى بولسا، 22-ءسى – قاشىقتان وقيتىندار. دەمەك قالىپتى جۇمىس ىستەيتىن ءبىلىم وشاقتارىندا ساقتاندىرۋ شارالارى مۇلتىكسىز اتقارىلىپ وتىر دەۋگە بولمايدى. ىندەتتىڭ تارالۋىن بارىنشا شەكتەۋ ءۇشىن بارلىق ءبىلىم وشاعىندا تالاپ پەن ءتارتىپتى كۇشەيتۋ قاجەت.

قازىر ىندەتكە شالدىققان بارلىق وقۋشى ەم قابىلداۋدا. جامان تۇماۋدان ەمدەلگەن كۇننىڭ وزىندە اراگىدىك زاردابى بولاتىنىن ەسكەرە وتىرىپ، مەكتەپ وقۋشىلارىنىڭ دەنساۋلىعىن كوزدىڭ قاراشىعىنداي ساقتاۋ قاجەتتىگىن ۇمىتپاعان ءجون.

 

كوكشەتاۋ

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار