الەم • 23 قازان، 2021

تۇركيا پرەزيدەنتى 10 ەلشىنىڭ ەلدەن كەتۋىن تالاپ ەتتى

800 رەت كورسەتىلدى

تۇركيا پرەزيدەنتى رەجەپ تايىپ ەردوعان سىرتقى ىستەر مينيسترلىگىنە 10 ەلشىنى «نون گراتا تۇلعالارى» رەتىندە جاريالاۋعا بۇيرىق بەردى، دەپ حابارلايدى Egemen.kz ريا نوۆوستيگە سىلتەمە جاساپ.

اڭگىمە كانادا، فرانتسيا، فينليانديا، دانيا، گەرمانيا، نيدەرلاندى، جاڭا زەلانديا، نورۆەگيا، شۆەتسيا جانە اقش ديپلوماتتارى جونىندە بولدى.

«مەن ءبىزدىڭ سىرتقى ىستەر مينيسترىمىزگە وسى 10 ەلشىنى «نون گراتا تۇلعالارى» دەپ جاريالاۋ ءۇشىن دەرەۋ شارالار قابىلداۋعا نۇسقاۋ بەردىم»، دەدى ەردوعان ەسكيشەحير قالاسىندا سويلەگەن سوزىندە.

حابار تۇرىك باسشىسىنىڭ Twitter پاراقشاسىندا جاريالاندى.

ءتيىستى تاپسىرما تۇرىك بەلسەندىسى وسمان كاۆالانى بوساتۋ تۋرالى ۇندەۋلەرگە جاۋاپ رەتىندە بەرىلدى.

وسمان كاۆالا - تۇرىكتىڭ ەڭ تانىمال قۇقىق قورعاۋشىلارىنىڭ ءبىرى جانە ۇلتتىق ازشىلىق جوبالارىن قولدايتىن Anadolu Kültür AŞ مادەني قورىنىڭ نەگىزىن قالاۋشى. ول تۇرىكتەردىڭ كۇردتەر مەن ارمياندارمەن تاتۋلاسۋىن جاقتايدى. تۇرىك پروكۋراتۋراسى كاۆالانى 2016 جىلدىڭ جازىندا بولعان مەملەكەتتىك توڭكەرىس ارەكەتىنە قاتىسقانى ءۇشىن ايىپ تاعىپ، قاماۋعا الۋعا جاڭا وردەر بەردى.

سوڭعى جاڭالىقتار

ۇقساس جاڭالىقتار