ايماقتار • 23 قازان، 2021

شقو-دا 1000 توننادان استام پىشەن ورتەندى

99 رەت كورسەتىلدى

شىعىس قازاقستان وبلىسى بەسقاراعاي اۋدانىندا 1000 توننادان استام پىشەن ورتەنىپ كەتتى، دەپ حابارلايدى Egemen.kz.

شقو توتەنشە جاعدايلار دەپارتامەنتى ءباسپاسوز قىزمەتى حابارلاعانداي، 22 قازاندا ساعات 15:43-تە بەسقاراعاي اۋدانىنداعى جاندوس اۋىلىنىڭ شەتىندە جينالعان 1028 توننا پىشەن ورتەنگەن. وت شارۋاشىلىق قورا-جايدىڭ اعاش قۇرىلىمدارىنا تارادى.

«قۇتقارۋشىلار مەن ورمانشىلار وقيعا ورنىنا شۇعىل كەلىپ جەتكەن. بىرلەسكەن ۇيلەسىمدى ءىس-قيمىلدىڭ ارقاسىندا 788 شارشى مەتر الاڭداعى ءورت 23 قازان كۇنى ساعات 10.10-دا ءسوندىرىلدى. ء​تىلسىز جاۋدى اۋىزدىقتاۋعا تجد جەكە قۇرامىنان 8 ادام جانە ورمان شارۋاشىلىعىنان 2 اۆتوتسيستەرنا، 8 قىزمەتكەر، 3 تەحنيكا جانە 2 تراكتور جۇمىلدىرىلدى»، دەپ حابارلادى ۆەدومستۆو وكىلدەرى.​

الدىن الا مالىمەت بويىنشا قىزىل جالىننىڭ شىعۋ سەبەبى - جەم-ءشوپتى جيناۋ كەزىندە ءورت قاۋىپسىزدىگى تالاپتارىن ساقتاماۋ.

سوڭعى جاڭالىقتار

ۇقساس جاڭالىقتار