ەكولوگيا • 22 قازان، 2021

بەكىرە بالىعىن زاڭسىز اۋلاعاندار ۇستالدى

98 رەت كورسەتىلدى

ماڭعىستاۋ وبلىسىندا بەكىرە تۇقىمداس بالىقتاردى زاڭسىز اۋلاعان 8 ادام ۇستالدى، دەپ حابارلايدى Egemen.kz mangystaumedia.kz سايتىنا سىلتەمە جاساپ.

ماڭعىستاۋ وبلىسى پوليتسيا دەپارتامەنتى قىزمەتكەرلەرىمەن بەكىرە تۇقىمداس بالىقتاردى جانە بەكىرە تۇقىمداس بالىقتاردىڭ قارا ۋىلدىرىعىن زاڭسىز اۋلاۋ جانە وتكىزۋ فاكتىسى بويىنشا 14 قازان كۇنى اقتاۋ قالاسى مەن تۇپقاراعان اۋدانى اۋماعىندا سەگىز ادامدى كۇدىكتى رەتىندە ۇستادى.

ۇستالعانداردىڭ تۇرعىلىقتى مەكەنجايلارى بويىنشا ءتىنتۋ بارىسىندا جالپى سالماعى 6 كگ 500 گرامم بەكىرە تۇقىمداس بالىقتاردىڭ قارا ۋىلدىرىعى، 459 كگ بەكىرە تۇقىمداس بالىقتارى، ءبىر «بايدا» ءجۇزۋ قۇرالى، ءبىر رەزەڭكە قايىق، 15 قاپ بالىق اۋلاۋ تورلارى، ءۇش دانا پاترون جانە «ماريحۋانا» ەسىرتكى زاتى بار شىرپى قورابى تابىلىپ، تاركىلەندى.

اتالعان فاكتى بويىنشا قر قك 339-بابى 2-بولىگى بويىنشا سوتقا دەيىنگى تەرگەپ-تەكسەرۋ باستالدى. تەرگەۋ ارەكەتتەرى جالعاسۋدا. 

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار