قازاقستان • 22 قازان، 2021

اسقار مامين ەو ەلشىلەرىمەن تۇراقتى دامۋ ماسەلەلەرىن تالقىلادى

63 رەت كورسەتىلدى

قر پرەمەر-ءمينيسترى اسقار مامين قازاقستاننىڭ ەۋروپالىق وداقپەن ينۆەستيتسيالىق ىنتىماقتاستىعى بويىنشا ديالوگتىڭ 8-ءشى وتىرىسىن وتكىزدى. ەكونوميكانىڭ ەكولوگيالىق تۇراقتى دامۋى جانە كليماتتىڭ وزگەرۋىنە قارسى كۇرەس ماسەلەلەرى قارالدى، دەپ حابارلايدى Egemen.kz  قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

قازاقستاندا اككرەديتتەلگەن ەو ەلشىسى كەستۋتيس يانكاۋسكاس، فينليانديا ەلشىسى سويلي مياكەلاينەن بۋحانيست، گەرمانيا ەلشىسى مونيكا يۆەرسەن، نيدەرلاندى ەلشىسى  اندرە كارستەنس، «قازاقستان-گەرمانيا اگرارلىق-ساياسي ديالوگ» جوباسىنىڭ جەتەكشىسى الەكساندر بارنەۆيتس، «Qazaq-Finish Technology» قازاقستان-فين تەحنولوگيالار ترانسفەرى ورتالىعىنىڭ ديرەكتورى دميتري جۋكوۆ جانە ت. ب. بايانداما جاسادى. 

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، اۋىل شارۋاشىلىعى ءمينيسترى ەربول قاراشوكەەۆ، ساۋدا جانە ينتەگراتسيا ءمينيسترى باقىت سۇلتانوۆ، يندۋستريا جانە ينفراقۇرىلىمدىق دامۋ ۆيتسە – ءمينيسترى مارات قاراباەۆ قابىلدانىپ جاتقان شارالار تۋرالى اقپارات بەردى. 

«جاسىل ەكونوميكانى» دامىتۋ، جاڭارتىلاتىن ەنەرگيا كوزدەرى، ارال تەڭىزى وڭىرىندەگى شولەيتتەنۋگە قارسى كۇرەس، ورمان قورىن كەڭەيتۋ، اعاش وڭدەۋ ونەركاسىبىن دامىتۋ، ورگانيكالىق ءونىم ءوندىرىسى مەن ەكسپورتى، اۋىل شارۋاشىلىعىندا ەكولوگيالىق تىڭايتقىشتاردى، ەو-نىڭ «فەرمادان ۇستەلگە» ستراتەگياسىنىڭ ورنىقتى اگروبيزنەس ستاندارتتارىن قولدانۋ جانە ت. ب. ماسەلەلەر تالقىلاندى. 

قر پرەمەر-ءمينيسترى ا. مامين قازاقستان كليماتتىڭ وزگەرۋىنە قارسى جاھاندىق كۇرەس اياسىندا ءوز مىندەتتەمەلەرىن ىسكە اسىرۋ بويىنشا شارالاردى ۇلعايتىپ جاتقانىن اتاپ ءوتتى. بۇل رەتتە كۇش-جىگەر ەكونوميكانىڭ تۇراقتىلىعى مەن دەكاربونيزاتسياسىن ارتتىرۋعا باعىتتالعان. ۇكىمەت 2020 جىلعى جەلتوقساندا قر پرەزيدەنتى قاسىم-جومارت توقاەۆ جاريالاعان بۇۇ-نىڭ كليماتتىق امبيتسيالار جونىندەگى ءسامميتى شەڭبەرىندە قازاقستاننىڭ 2060 جىلعا قاراي كومىرتەكتى بەيتاراپتىققا قول جەتكىزۋى جونىندەگى ماقساتتى ىسكە اسىرۋ ءۇشىن پراكتيكالىق شارالار قابىلداپ جاتىر. 

قازىر قر-نىڭ 2060 جىلعا دەيىن كومىرتەكتى بەيتاراپتىلىققا قول جەتكىزۋ دوكتريناسى ازىرلەنىپ جاتىر. قۇجات قايتا جاڭارتىلاتىن جانە ءداستۇرلى ەنەرگەتيكا، ونەركاسىپ، اۋىل جانە ورمان شارۋاشىلىعى، كولىك، تكش جانە قالدىقتاردى كادەگە جاراتۋعا باسا نازار اۋدارا وتىرىپ، ۇلتتىق ەكونوميكانىڭ بارلىق سەكتورلارىندا رەفورمالاردى كوزدەيدى. قورشاعان ورتاعا شىعارىندىلاردى ازايتۋعا قر ەكونوميكاسىنىڭ ەنەرگەتيكالىق تيىمدىلىگىن ارتتىرۋ، ەلەكترلەندىرۋ، جەردى تۇراقتى پايدالانۋ جانە جاڭارتىلاتىن ەنەرگيا كوزدەرىن كەڭ اۋقىمدا پايدالانۋ ارقىلى قول جەتكىزىلەتىن بولادى. كومىرتەكتى بەيتاراپتىلىققا قول جەتكىزۋ دوكتريناسىن ىسكە اسىرۋ كەزىندە نارىق تەتىكتەرى مەن جەكە ينۆەستيتسيالاردىڭ الەۋەتى بارىنشا پايدالانىلاتىن بولادى. 

ۇكىمەت باسشىسى قر پرەزيدەنتى قاسىم-جومارت توقاەۆتىڭ مەملەكەتتىك ورمان قورى جەرلەرىندە 2 ملرد اعاش جانە ەلدى مەكەندەر اۋماعىندا 15 ملن اعاش وتىرعىزۋ مەن ورمان ءوسىرۋدىڭ كەشەندى جوسپارلارى، سونداي-اق 2021-2025 جىلدارعا ارنالعان ەلدى مەكەندەردى كوگالداندىرۋدىڭ وڭىرلىك جوسپارلارى ازىرلەنگەنىن اتاپ ءوتتى. 

قر ەكونوميكاسىنىڭ ورمان سەكتورىن دامىتۋدىڭ 2025 جىلعا دەيىنگى باس جوسپارى ىسكە اسىرىلۋدا، وندا ورماندارداعى كۇزەت-قورعاۋ شارالارىن كۇشەيتۋ، جەكە ورمان ءوسىرۋدى مەملەكەتتىك قولداۋ جانە باسقا دا شارالار كوزدەلگەن. اعاش وتىرعىزۋعا جانە وسىرۋگە جۇمسالاتىن شىعىستاردىڭ 50%-ىن وتەۋ ارقىلى ەلدىڭ اعاش دايىنداۋ-اعاش وڭدەۋ كەشەنى سۋبەكتىلەرىنىڭ باسەكەگە قابىلەتتىلىگىن ارتتىرۋ ءۇشىن جاعدايلار جاسالدى. 

پرەمەر-مينيستر ەۋروپالىق وداق ەلشىلەرىن قازاقستاننىڭ ەو-مەن ساۋدا-ەكونوميكالىق جانە ينۆەستيتسيالىق ىنتىماقتاستىعىن دامىتۋعا جاردەمدەسۋ بويىنشا ودان ءارى اشىق جانە بەلسەندى ديالوگقا شاقىردى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار